آئی وائی سی اور این ایس یو آئی نے دہلی میں کینڈل مارچ نکالا

نئی دہلی، 3 ستمبر(میرا وطن نیوز )
انڈین یوتھ کانگریس (آئی وائی سی) اور نیشنل اسٹوڈنٹس یونین آف انڈیا (این ایس یو آئی) نے جمعرا ت کو نئی دہلی میں کینڈل مارچ کا اہتمام کیا۔ مارچ کا مقصد دہلی عصمت دری کی شکار کے لیے فوری انصا ف اور قصورواروں کے خلاف سخت کارروائی کا مطالبہ کرنا تھا۔مارچ میں نوجوانوں اور طلبہ کے کار کنوں کی بڑی تعداد نے شرکت کی۔ موم بتیاں اور پلے کارڈز اٹھائے ہوئے، انہوں نے متاثرین کے لیے انصاف اور حکام سے جوابدہی کا مطالبہ کرتے ہوئے نعرے لگائے۔
انڈین یوتھ کانگریس نے متاثرہ لڑکی اور اس کے خاندان کے ساتھ یکجہتی کا اظہار کیا اور اس واقعہ کی مذ مت کی۔ پارٹی نے کہا کہ خواتین کے خلاف جرائم کو محض معمول کی یقین دہانیوں اور بیانات سے حل نہیں کیا جا سکتا۔انہوں نے کہا، آج، ہم متاثرہ او ر اس کے خاندان کے ساتھ کھڑے ہیں اور انصاف کا مطالبہ کرتے ہیں۔ حکام کو ایک منصفانہ، شفاف اور وقتی تفتیش کو یقینی بنانا چاہیے اور قصوروار پائے جانے والوں کے خلاف سخت ترین قانونی کارروائی کرنی چاہیے۔
این ایس یو آئی کے قومی صدر ونود جاکھڑ نے کہا کہ خواتین کے خلاف جرائم کے خلاف آواز اٹھانا طلبہ اور نوجوانوں کی ذمہ داری ہے۔انہوں نے حکام پر زور دیا کہ وہ اس بات کو یقینی بنائیں کہ تفتیش بغیر کسی دباو ¿ اور مداخلت کے آگے بڑھے اور متاثرہ خاندان کو تمام ضروری مدد حاصل ہو۔