Tasawwuf Advertisement 2024

قومی خبریں

خواتین

شاہ کو دوبارہ وزارت داخلہ ملنے کا امکان ،سابق سی ایم شیوراج اور کھٹر بھی کا نام

جیسے جیسے مودی حکومت کی حلف برداری کا وقت قریب آرہا ہے، وزراء کے نام بھی سامنے آرہے ہیں۔ آج شام 7 بجکر 15 منٹ پر راشٹرپتی بھون میں 63 ممبران اسمبلی حلف لے سکتے ہیں۔ ان میں سب سے زیادہ 8 اتر پردیش اور 5 کا تعلق مدھیہ پردیش سے ہے جبکہ 4 راجستھان سے ہیں۔ تاہم ابھی تک کوئی سرکاری اطلاع نہیں دی گئی ہے۔

امیت شاہ کو دوبارہ وزارت داخلہ ملنے کا امکان ہے۔ راجناتھ سنگھ وزیر دفاع اور نتن گڈکری روڈ ٹرانسپورٹ وزیر رہ سکتے ہیں۔ شیوراج سنگھ چوہان اور منوہر لال کھٹر پہلی بار مرکزی سیاست میں آ رہے ہیں۔ دونوں کو بڑی ذمہ داری دی جا سکتی ہے۔

جے ڈی یو کے راجیہ سبھا ایم پی رام ناتھ ٹھاکر اور مونگیر کے ایم پی للن سنگھ کو وزیر بنانے کی بات چل رہی ہے۔ ساتھ ہی ٹی ڈی پی سے رام موہن نائیڈو اور پی چندر شیکھر پیمسانی کو وزیر بنایا جا سکتا ہے۔ اس کے علاوہ 7 دیگر پارٹیوں کے ایک ایک ایم پی کو مودی کابینہ میں جگہ مل سکتی ہے۔

اجیت پوار کی این سی پی میں این ڈی اے حکومت میں وزارتی عہدہ کو لے کر کشمکش جاری ہے۔ پرفل پٹیل اور سنیل ٹٹکرے دونوں ہی دعوے کر رہے ہیں۔ ایسے میں اجیت پوار کو اس کشمکش کا سامنا ہے کہ اس تنازع کو کیسے حل کیا جائے۔

No Comments:

Leave a Reply

Your email address will not be published. Required fields are marked *