اندرا چوک جعفرآباد سے کنویں والی مسجد تک نئی سیور پائپ لائن ڈلوانے کا افتتاح

نئی دہلی :17اگست ()اندرا چوک جعفرآباد سے کنویں والی مسجد تک نئی سیور پائپ لائن ڈلوانے کا افتتاح رکن اسمبلی چودھری زبیر احمد نے کیا ۔پچھلے 5سالوں سے اندرا چوک سے کنویں والی مسجد تک کے ائیریا میں سیور لائن اوور فلو ہونے کے سبب کافی دقتوں کا سامنا ہو رہاتھا ۔اس بڑی پریشانی کو دیکھتے ہوئے آج سیلم پور اسمبلی حلقہ سے رکن اسمبلی چودھری زبیر احمد نے اس ایئریا میں نئے سیو ر پائپ لائن ڈالنے کا افتتاح علاقے کے معزز افراد کی موجودگی میں کیا ۔اس نئی پائپ لائن کی لمبائی تقریبا 200میٹر ہے ۔اس لائن کے ڈلنے سے مین روڈ کے علاوہ گلی نمبر 23سے 37اور آس پاس کی گلیوں کو سیور اوور فلو سے نجات ملے گی ۔اس موقع پر رکن اسمبلی چودھری زبیر احمد نے کہاکہ آج جس روڈ پر نئے سیور پائپ لائن ڈلوانے کے کام کا افتتاح کیا گیا ہے وہ جعفرآباد کا مین روڈ ہے جہاں پچھلے 5سالوں سے کافی پریشانی آرہی تھی ، سیور اوور فلو ہو جاتے تھے لیکن اب یہ پریشانی ہمیشہ کیلئے ختم ہونے والی ہے چونکہ نئے پائپ لائن ڈلوانے مین اس بات کا خاص دھیان دیا جائے گا کہ اس روڈ پر جتنے بھی سیور ہیں وہ اوور فلو نہ ہو ۔ چودھری زبیر احمد نے کہاکہ سیلم پور اسمبلی حلقہ میں نئی سڑکیں بنوانے کے ساتھ ساتھ یہ کام بھی کیا جارہا ہے کہ علاقے کے تمام سیور اوور فلو نہ ہوں ۔اہم شرکا حاجی مقصود جمال ، سید ناصر جاوید ، افسر خان ، جے ای زید رئیس ، سپر وائزر شلیندر نر مل ، کانٹریکٹر فہیم ، اشرف بابا ، شاداب حسن ، رضوان ادریسی ، اختر خان ، مقیم خان ، جاوید برقی ، شمیم خان ، محبوب ادریسی ، ساجد علی چودھری ، قاسم سیفی ، شہزاد بھائی ، کنور اسلم ، کلو بھائی ، یعقوب احمد چشمے والے ، حاجی جمیل ، ضیا الرحمن ، انصار احمد ، مظفر خان ، فرقان انصاری ، یوسف ادریسی ، منو ادریسی ، رائو نوید ، محمد شکیل ، ندیم راعین کے نام قابل ذکر ہیں ۔