راجدھانی میں ایل پی جی کی سپلائی مکمل طور پر قابومیں ہے:وزیر اعلیٰ

نئی دہلی، 13 اپریل(میرا وطن نیوز )
وزیر اعلیٰ ریکھا گپتا نے وضاحت کی ہے کہ راجدھانی میں گھریلو اور تجارتی ایل پی جی کی سپلائی پوری طرح سے مستحکم، مناسب اور کنٹرول میں ہے۔ دہلی میں ایل پی جی یا کسی اور ایندھن کی بالکل بھی کمی نہیں ہے۔ انہوں نے عوام سے اپیل کی ہے کہ وہ کسی بھی افواہ یا گھبراہٹ میں نہ آئیں، اور ہم آہنگی برقرار رکھیں۔
گھریلو ایل پی جی کی صورتحال کے بارے میں اپ ڈیٹ فراہم کرتے ہوئے وزیر اعلیٰ نے کہا کہ 12 اپریل کو کل 111,766 بکنگ ریکارڈ کی گئیں۔ اس کے برعکس، تین آئل مارکیٹنگ کمپنیوں (اوایم سی ) نے مجموعی طور پر 130,094 سلنڈر فراہم کیے جو کہ موصول ہونے والی بکنگ کی تعداد سے کافی زیادہ ہے۔ یہ واضح طور پر ظاہر کرتا ہے کہ زیر التواءبکنگ تیزی سے صاف ہو رہی ہے اور سپلائی چین مضبوط ہے۔ فی الحال، ڈیلیوری کا اوسط وقت 3.87 دن ہے۔جو پچھلے اوسط 4.24 دنوں سے کم ہے- اس طرح صارفین کے لیے بروقت دہلیز پر ڈیلیوری کو یقینی بنایا جا رہا ہے۔
وزیر اعلیٰ نے بتایا کہ دہلی کو 6,480 تجارتی ایل پی جی سلنڈر (19 کلو گرام یونٹ کے برابر) کا یومیہ کوٹہ مختص کیا گیا ہے۔ اس مختص کے خلاف، گزشتہ ہفتے کے دوران اوسط یومیہ کھپت محض 4,268 سلنڈر رہی ہے۔یہ اعداد و شمار جس میں 5 کلو گرام فری ٹریڈ ایل پی جی سلنڈر کی کھپت بھی شامل ہے۔ یہ واضح طور پر اشارہ کرتا ہے کہ، فی الحال، دستیابی مانگ سے کہیں زیادہ ہے۔
وزیراعلیٰ نے تمام کمرشل ایل پی جی صارفین خصوصاً 5 کلوگرام سلنڈر استعمال کرنے والوں سے اپیل کی ہے کہ وہ پرسکون رہیں اور کسی بھی غیر ضروری پریشانی یا ذخیرہ اندوزی سے گریز کریں۔ پورے شہر میں تقسیم کا نظام آسانی سے کام کر رہا ہے، اور مناسب ذخیرہ دستیاب ہے۔ صارفین محکمہ خوراک اور شہری سپلائی کے کنٹرول روم سے011-23379836 یا 8383824659 011-پر رابطہ کر سکتے ہیں۔ یہ سہولت ہفتے کے تمام دنوں میں، صبح 9 بجے سے شام 7بجے تک دستیاب ہے۔