دہلی سرکار نے ’دہلی سیمی کنڈکٹر پالیسی‘ کا مسودہ تیار کرنے پر کام شروع

نئی دہلی، 19 اپریل(میرا وطن نیوز )
دہلی سرکارنے ’دہلی سیمی کنڈکٹر پالیسی‘ کا مسودہ تیار کرنے کا عمل شروع کیا ہے۔ اس پالیسی کا مقصد دہلی کو سیمی کنڈکٹر ڈیزائن، جدید تحقیق اور ترقی (آر اینڈ ڈی) اور اسمبلی سرگرمیوں کے لیے ایک قابل مرکز بنانا ہے۔ وزیر اعلیٰ ریکھا گپتا کی قیادت میںیہ اقدام راجدھانی کے اندر اعلیٰ قدر والے ٹیکنالو جی کے شعبوں کو فروغ دینے کی جانب ایک اہم قدم کی نشاندہی کرتا ہے۔
وزیر اعلیٰ نے کہا کہ سیمی کنڈکٹر سیکٹر عالمی معیشت میں ایک اہم کڑی کے طور پر ابھرا ہے، اور دہلی سرکار اس کی متوازن اور منظم ترقی کو یقینی بنانے کے لیے ایک جامع پالیسی فریم ورک تیار کر رہی ہے۔ انہوں نے مزید کہا کہ یہ پالیسی مالی اور غیر مالی دونوں طرح کی مراعات فراہم کرتی ہے جس کا مقصد کاروبار کرنے میں آسانی، اختراعات اور صنعت پر مبنی ماحولیاتی نظام کو فروغ دینا ہے۔
وزیراعلیٰ نے بتایا کہ مجوزہ پالیسی پانچ اہم شعبوں پر مرکوز ہے: سیمی کنڈکٹر ڈیزائن اور انٹلیکچوئل پراپرٹی (آئی پی) کی ترقی؛ تحقیق، ترقی، اور جدت؛ مینوفیکچرنگ کو فعال کرنے والی سرگرمیاں — جیسے اسمبلی، ٹیسٹنگ، مارکنگ، اور پیکیجنگ (اے ٹی ایم پی) اور آو ¿ٹ سورسڈ سیمی کنڈکٹر اسمبلی اینڈ ٹیسٹنگ (او ایس اے ٹی) — ذیلی صنعتوں کی ترقی کے ساتھ؛ ہنر کی ترقی اور مہارت؛ اور اسٹارٹ اپ اور صنعتی ماحولیاتی نظام کو مضبوط کرنا۔
وزیر اعلیٰ نے کہا کہ یہ پالیسی سیمی کنڈکٹر ویلیو چین کے اعلیٰ قدر والے حصوں میں خاص طور پر ڈیزائن، ریسرچ اینڈ ڈیولپمنٹ (آر اینڈ ڈی) اور جدید پیکیجنگ میں دہلی کی پوزیشن کو مضبوط کرے گی۔ اس سے فیبل لیس سیمی کنڈکٹر کمپنیوں، اسٹارٹ اپس، اور اے ٹی ایم پی (اسمبلی، ٹیسٹنگ، مارکنگ، اور پیکجنگ ) اور او ایس اے ٹی (آو ¿ٹ سورسڈ سیمی کنڈکٹر اسمبلی اور ٹیسٹ) یونٹس میں سرمایہ کاری کو را غب کرنے کی امید ہے۔ مزید برآں، یہ جانچ، پیکیجنگ، اور سیمی کنڈکٹر ان پٹ سے منسلک ذیلی صنعتوں کی ترقی کو فروغ دے گا۔
وزیر اعلیٰ ریکھا گپتا نے مزید کہا کہ یہ پالیسی چپ ڈیزائن، سیمی کنڈکٹر ریسرچ، اور جدید پیکیجنگ جیسے شعبوں میں اعلیٰ معیار کے روزگار کے مواقع پیدا کرے گی۔ اس کے ساتھ ہی، ٹارگٹڈ ٹریننگ پروگرا مز ، انٹرن شپس، اور انڈسٹری-اکیڈمیا پارٹنرشپ کے ذریعے ہنر مندی کی ترقی کو تقویت دی جائے گی ۔ انہوں نے مزید کہا کہ یہ اقدام ہنر مند پیشہ ور افراد کو راغب کرنے اور انہیں برقرار رکھنے میں مددگار ثا بت ہوگا، اس طرح علم اور اختراع کے مرکز کے طور پر دہلی کی حیثیت کو مزید مستحکم کیا جائے گا۔
وزیر اعلیٰ نے اس بات پر بھی زور دیا کہ پالیسی ٹارگٹڈ مراعات، کم آپریشنل لاگت اور نجی سرمایہ کاری کو فروغ دینے کے لیے سازگار کاروباری ماحول کو یقینی بنانے پر بھرپور توجہ دیتی ہے۔ سرمایہ کاروں کے اعتماد کو تقویت ملے گی — اور ملکی اور عالمی دونوں سرمایہ کاروں کی شرکت کی حوصلہ افزائی کی جائے گی — کیپیٹل سبسڈیز، بنیادی ڈھانچے کی ترقی، اور قومی اقدامات، خاص طور پر انڈیا سیمی کنڈکٹر مشن کے ساتھ اسٹریٹجک صف بندی کے ذریعے۔