دہلی اب صرف ایک ’ٹرانزٹ ہب‘ نہیں ہے،عالمی سیاحتی مقام بننے کےلئے تیار: وزیر اعلیٰ

نئی دہلی، 2 مئی(میرا وطن نیوز )
وزیر اعلیٰ ریکھا گپتا نے ہفتہ کو ٹورازم اسٹیک ہولڈرز کانفرنس میں بطور مہمان خصوصی شرکت کی۔ اس تقر یب میں سیاحت، مہمان نوازی، ورثہ، روحانی اور فلاح و بہبود کی سیاحت، طبی سیاحت، رات کی سیاحت، اور دہلی کی برانڈ پوزیشننگ جیسے اہم موضوعات پر جامع بات چیت کی گئی۔ انہوںنے اعلا ن کیا کہ دہلی کو اب محض ایک ٹرانزٹ ہب کے طور پر نہیں بلکہ عالمی سیاحتی مقام کے طور پر ترقی دی جائے گی۔
تقریب میں وزیر فن، ثقافت اور سیاحت کے وزیر کپل مشرا ، دہلی ٹورازم اینڈ ٹرانسپورٹیشن ڈیو لپمنٹ کارپوریشن (ڈی ٹی ٹی ڈی سی ) کے منیجنگ ڈائریکٹر سنیل انچیپاکااور سیاحت کے شعبے اور اس سے منسلک شعبوں کے متعدد ماہرین موجود تھے۔ وزیر اعلیٰ کہا کہ کانفرنس میں صنعت کے رہنماو ¿ں، پالیسی سازوں، اور ماہرین کی فعال شرکت سے کئی ٹھوس اور قیمتی مشورے ملے ہیں۔ ان تجاویز اور آراءکو دہلی کے سیاحت کے شعبے کو ایک نئی سمت فراہم کرنے اور اس کی مجموعی تاثیر کو بڑھانے کے لیے آنے والی پالیسیوں اور اقدامات میں شامل کیا جائے گا۔
وزیر اعلیٰ نے زور دیا کہ قومی راجدھانی کے طور پر، دہلی عالمی سطح پر ایک منفرد اہمیت رکھتا ہے۔ اس میں ہندوستان آنے والے سیاحوں کے لیے ایک بڑی کشش کے طور پر ابھرنے کی صلاحیت ہے۔ اب و قت آگیا ہے کہ دہلی کو محض ٹرانزٹ پوائنٹ کے طور پر نہیں بلکہ ایک منزل کے شہر کے طور پر تیار کیا جا ئے — ایک ایسی جگہ جہاں سیاح ٹھہرنے کا انتخاب کرتے ہیں، اپنے آپ کو تجربے میں غرق کرتے ہیں، اور بار بار دیکھنے کے لیے واپس آتے ہیں۔
اس موقع پر کپل مشرا نے کہا کہ دہلی سرکار راجدھانی کو عالمی معیار کے سیاحتی مرکز میں تبدیل کرنے کے لیے تیزی سے کام کر رہی ہے۔ دہلی ٹورازم بورڈ کی تشکیل، سنگل ونڈو کلیئرنس میکانزم کے نفاذ، بڑ ے داخلی مقامات کی خوبصورتی، ‘یونٹی مال’ کی تعمیر اور نئی سیاحت کے تجربات کی ترقی کے لیے ٹھوس اقدامات کیے جا رہے ہیں جو دہلی کے ورثے، ثقافت اور پاک روایات کو مربوط کرتے ہیں۔