دہلی پولیس عام آدمی کی آواز کو دبانے کی کوشش کر رہی ہے:پرمجیت سنگھ پما

نئی دہلی ،5فروری (میرا وطن)
نیشنل اکالی دل کے صدر پرمجیت سنگھ پما نے کہا کہ جنتر منتر پر احتجاج کے لیے جب اجازت مانگی جاتی ہے، تو پولیس کسی نہ کسی بہانے سے اسے دینے سے انکار کر دیتی ہے۔ انہوں نے کہا کہ وہ جنتر منتر پر احتجاج کرنے کے لئے مختلف مسائل پر پارلیمنٹ اسٹریٹ ڈی سی پی کے دفتر سے وقتاً فوقتاً اجازت کا مطالبہ کرتے ہیں، لیکن پولیس اہلکار بعض اوقات 10 دن پہلے خط مانگتے ہیں یا بعض اوقات کہتے ہیں کہ وہ ابھی اجازت نہیں دے سکتے۔پرمجیت سنگھ پما نے کہا کہ یہ بہت افسوسناک ہے کہ وہ تقریباً 30-35 سالوں سے ملک اور سماج کی بھلائی کے لیے پرامن احتجاج کر رہے ہیں۔ اور آج تک اسے کبھی ایسی پریشانی کا سامنا نہیں کرنا پڑا۔
اس موقع پرمجیت سنگھ پاما نے کہا کہ انہوں نے بنگلہ دیش میں ہندوو ¿ں پر مظالم کے خلاف احتجاج کر نے کی اجازت کی درخواست کی تھی لیکن اسے نہیں دیا گیا۔ اب آن لائن اور موبائل فون کے استعمال کی وجہ سے خودکشیوں اور بڑھتے ہوئے جرائم کے واقعات کے حوالے سے انہوں نے 5 فروری کو خط لکھا اور 8 فروری کو اجازت کا مطالبہ کرنے کے لیے گئے لیکن انہوں نے اس اجازت سے بھی انکار کر دیا۔ اب اگر تنظیم جنتر منتر پر احتجاج نہیں کرے گی تو کیا سڑکوں پر احتجاج کرے گی؟ نیشنل اکالی دل اس سلسلے میں دہلی پولیس کمشنر اور پارلیمنٹ اسٹریٹ کے ڈی سی پی کو خط لکھے گا۔