آل انڈیا مسلم مجلس مشاورت (رجسٹرڈ)کی گورننگ باڈی میٹنگ میں اہم امور پر تبادلہ خیال

امریکی صدر ڈونالڈ ٹرمپ کے حالیہ بیانات اور سرگر میوں کو عالمی امن کےلئے خطرہ قراردیا گیا

نئی دہلی، 23جنوری (میرا وطن)
آل انڈیا مسلم مجلس مشاورت (رجسٹرڈ) کی گورننگ باڈی کا ایک اہم اجلاس اوکھلا میں واقع دفتر میں منعقد ہوا، جس کی صدارت ڈاکٹر ظفرالاسلام خاں (صدر مشاورت)نے کی۔ دیگر شرکاءمیں کارگزار صدر پروفیسر محمد سلیمان، نائب صدر مفتی عطا ءالرحمن قاسمی، جنرل سیکریٹری معصوم مرادآبادی، ورکنگ جنرل سیکریٹری سید تحسین احمد، خزانچی شمس الضحیٰ کے علاوہ اہم ارکان میں ابرار احمد مکی اور سہیل انجم شر یک ہوئے۔
میٹنگ کا آغاز تلاوت کلام پاک سے ہوا اور سب سے پہلے آل انڈیا ملی کونسل کے جنرل سیکریٹری ڈا کٹر منظور عالم کے انتقال پر ایک تعزیتی قرارداد منظور کی گئی جس میں ان کی ملی خدمات کو خراج عقیدت پیش کیا گیااور دعائے مغفرت کی گئی۔
بعدازاں قومی اور بین الاقوامی امور پر تبادلہ خیال ہوا۔ قومی مسا ئل کے دوران بی جے پی کے اقتدار والی ریاستوں میں مسلمانوں کے خلاف ہورہی لگاتار کارروا ئیوں پر تشویس کا اظہار کرتے ہوئے اس کے لیے قانونی راستے اختیار کرنے پر تبادلہ خیال ہوا۔ اس کے ساتھ ہی بین الاقومی امور پر بحث کے دوران امریکی صدر ڈونالڈ ٹرمپ کے حالیہ بیانات اور سرگر میوں کو عالمی امن کے لیے خطرہ قراردیا گیا۔ میٹنگ میں طے پایا کہ جلد ہی قومی امور پر ایک اہم اجلا س منعقد کیا جائے گا جس میں برادران وطن کے ساتھ مستقبل کی حکمت عملی طے کی جائے گی۔