دو سے تین گھنٹے کی بارش نے بی جے پی سرکارکے دعوو ¿ں کے کھوکھلے پن کو بے نقاب کر دیا

نئی دہلی ،4ستمبر (میرا وطن نیوز )
پردیش کانگریس صدر دیویندر یادو نے راجدھانی میں حالیہ بارش کے بعد بڑے پیمانے پر پانی جمع ہو نے اور اس کے نتیجے میں بڑے پیمانے پر ٹریفک جام کو لے کر دہلی کی بی جے پی سرکارپر حملہ کیا۔ انہوں نے کہا کہ صرف دو تین گھنٹے کی بارش نے بی جے پی سرکار کے تمام دعووں کا کھوکھلا پن کھول دیا ہے۔ راجدھانی کے متعدد علاقوں کی سڑکیں زیر آب ہیں اور آج تہوار کی چھٹی ہونے کے باوجود پانی بھر جا نے کی وجہ سے شدید ٹریفک جام ہے۔ عام شہری گھنٹوں ٹریفک میں پھنسے رہتے ہیں اور انہیں اپنی منز ل تک پہنچنے میں شدید مشکلات کا سامنا ہے۔ انہوں نے سوال کیا کہ نالوں کی صفائی اور پانی نکاسی کے نظام پر خرچ ہونے والے فنڈز کا زمین پر کوئی اثر کیوں نہیں دکھائی دیتا۔
اس موقع پر دیویندر یادو نے کہا کہ ہر سال سرکار مانسون سے پہلے تیاریوں کے بارے میں بڑے بڑ ے دعوے کرتی ہے—جیسے کہ نالیوں کی صفائی، پانی کی نکاسی کا نظام، اور ٹریفک کا انتظام۔ تاہم چند گھنٹوں کی بارش عوام کے سامنے ان دعوو ¿ں کی حقیقت کو ظاہر کر دیتی ہے۔ اگر تہوار کی چھٹی کے دن یہ صورتحال ہے، تو صرف ایک باقاعدہ کام کے دن دہلی کی حالت کا تصور کیا جا سکتا ہے۔انہوں نے کہا کہ مانسون اپنے اختتام کے قریب ہے، اس کے باوجود دہلی سرکار صورتحال سے بیدار ہونے میں ناکا م رہی ہے۔ انہوں نے سوال کیا کہ بی جے پی سرکارمانسون کے آنے سے پہلے سیلاب زدہ علاقوں کی نشاندہی کرنے اورپانی نکاسی کے مستقل حل قائم کرنے میں کیوں ناکام رہی۔