یکم مئی سے ہر ہفتہ کو ’عوامی شکایات کے ازالے کے کیمپ‘لگائے جائیں گے

نئی دہلی، 27 اپریل(میرا وطن نیوز )
وزیر اعلیٰ ریکھا گپتا نے پیر کو فوڈ اینڈ سپلائی ڈپارٹمنٹ کی میٹنگ کی صدارت کی۔ اس دوران محکمانہ کام کاج، اسکیموں کے نفاذ، تکنیکی اصلاحات اور عوامی خدمات کی فراہمی سے متعلق مختلف امور کا گہرائی سے جائزہ لیا گیا۔ مزید برآں، محکمہ کی موجودہ حیثیت، کامیابیوں، چیلنجز، اور آنے والے اسٹریٹجک روڈ میپ پر تفصیل سے تبادلہ خیال کیا گیا۔
میٹنگ کے دوران وزیر اعلیٰ نے ہدایات جاری کیں کہ یکم مئی سے اسسٹنٹ کمشنر کی نگرانی میں تمام متعلقہ مراکز پر ہر ہفتہ کو صبح 9 بجے سے 11 بجے تک ’عوامی شکایات ازالہ کیمپس‘کا انعقاد کیا جائے گا۔ ان کیمپوں میں راشن کارڈ سے متعلق تمام زیر التوا معاملات کو موقع پر ہی حل کیا جائے گا۔ انہوں نے کہا کہ وہ خود ان کیمپوں میں سے ایک کا اچانک معائنہ کریں گی تاکہ یہ یقینی بنایا جا سکے کہ لوگوں کی شکایا ت کا مو ¿ثر طریقے سے ازالہ کیا جا رہا ہے۔ مزید برآں، کیمپوں کے دوران، لوگوں کو ’ایک ملک، ایک راشن کارڈ‘ اسکیم کے بارے میں آگاہ کیا جائے گا اور بتایا جائے گا کہ وہ ایک وقت میں صرف ایک جگہ سے اپنا راشن نکال سکتے ہیں۔
نظام میں شفافیت کو بڑھانے کے لیے وزیر اعلیٰ نے نئے مستحقین کے انتخاب کے لیے خصوصی کمیٹی کے قیام کی تجویز پیش کی۔ یہ کمیٹی غیر جانبدارانہ طریقے سے اہلیت کی تصدیق کرے گی۔ مزید برآں، نئے اندراج کے لیے جلد ہی درخواستیں طلب کرنے کی ہدایات جاری کی گئیں، اس بات کو یقینی بناتے ہو ئے کہ کوئی بھی ضرورت مند شخص محروم نہ رہے۔ وزیر اعلیٰ نے راشن کی تقسیم میں بے ضابطگیوں جیسے کم وزن، تاخیر اور غیر مجاز کٹوتیوں پر سخت ناراضگی کا اظہار کیا۔
انہوں نے افسروں کو ہدایت کی کہ وہ پوری سپلائی چین میں ڈیلرز اور سپلائی کرنے والوں کا احتساب کریں اور جو بھی قصوروار پایا جائے اس کے خلاف سخت کارروائی کی جائے۔تکنیکی اصلاحات کی سمت میں وزیر اعلیٰ نے نئے ’سمارٹ راشن کارڈز‘ جاری کرنے کی ہدایات جاری کیں۔ یہ کارڈز ایک نئے ڈیزائن، کیو آر کوڈز اور جدید ڈیجیٹل خصوصیات کے حامل ہوں گے، جس سے عوام کے لیے راشن کی تقسیم زیادہ شفاف اور آسان ہو جائے گی۔