آئیل ٹینکر کے ڈیوائڈر سے ٹکرانے کے بعد فلائی اوور پربھڑکے آگ کے شعلے

لدھیانہ :پنجاب کے لدھیانہ میں ایک فلائی اوور پرچہارشنبہ 3جنوری کے روزآگ کے بڑے بڑے شعلے بھڑک اٹھے۔ اس میں کوئی جانی نقصان نہیں ہوا ہے۔اس واقعے کا ایک ویڈیو وائیرل ہوا ہے جس میں فلائی اوور کے اوپر اٹھتے ہوئے گھنے دھوائیں کے درمیان آگ بھڑکتی ہوئی دکھائی دے رہی ہے۔
میڈیارپورٹس سے پتہ چلتا ہےکہ آئیل ٹینکر نے کنٹرول کھودیا‘ ڈیوائیڈر سے ٹکرایا اور الٹ گیا جس سے یہ حادثہ پیش آیاہےحادثہ کے سبب ‘ گاڑیوں کی آمد درفت میں شدید مشکلات پیدا ہوئیں۔ٹریفک ٹھپ ہوکر رہ گئی۔محکمہ فائیر کا عملہ موقع پر پہنچا اور بڑے پیمانے پر آگ بجھانے کی کوشش کے بعد اس پر قابو پایا گیا ۔