Tasawwuf Advertisement 2024

قومی خبریں

خواتین

ہریانہ کی آٹھ لوک سبھا سیٹوں کے لیےکانگریس امیدواروں کا اعلان

کماری سیلجا کو سرسا ، دیپندر سنگھ ہڈا کو روہتک اورورون چودھری کو امبالہ سے ٹکٹ

نئی دہلی :کانگریس نے ہریانہ کی آٹھ لوک سبھا سیٹوں کے لیے امیدواروں کا اعلان کردیا ہےلیکن ابھی گروگرام یعنی گڑگاؤں لو ک سبھا سیٹ کے لئے امیدوار کے نام کا اعلان نہیں کیا ہے۔ کماری سیلجا کو سرسا سے، دیپندر سنگھ ہڈا کو روہتک سے، ورون چودھری کو امبالہ سے، جئے پرکاش کو حصار سے، دیوانشو بدھیراج کو کرنال سے، ستپال برہمچاری کو سونی پت سے، راؤ دان سنگھ کو بھیوانی-مہیندر گڑھ سے اور مہندر پرتاپ کو فرید آباد لوک سبھا سیٹ سے ٹکٹ دیا گیا ہے۔
بی جے پی کے حصار کے ایم پی برجیندر سنگھ کو ٹکٹ نہیں ملا ہے۔ ساتھ ہی گروگرام سیٹ پر اعلان ہونا باقی ہے۔ بھیوانی سیٹ پر کرن چودھری کو مایوسی ہوئی ہے۔ وہ اپنی بیٹی شروتی چودھری کے لیے ٹکٹ مانگ رہی تھیں۔ اس کے علاوہ برجیندر سنگھ حصار سے ٹکٹ کے خواہاں تھے لیکن وہاں سے ہڈا کیمپ کے جئے پرکاش کو کانگریس نے امیدوار بنایا ہے ۔ سابق سی ایم کھٹر کے سامنے کانگریس نے ریاستی یوتھ کانگریس کے صدر دیویانشو بدھیراج کو کرنال سیٹ سے میدان میں اتارا ہے۔
ہریانہ میں لوک سبھا کی دس سیٹیں ہیں۔ ان تمام سیٹوں پر 25 مئی کو ایک ہی مرحلے میں ووٹنگ ہوگی۔ گزشتہ لوک سبھا انتخابات میں بی جے پی نے تمام سیٹوں پر کامیابی حاصل کی تھی۔اس بار کانگریس ہریانہ میں عام آدمی پارٹی کے ساتھ مل کر الیکشن لڑ رہی ہے۔ کانگریس نے اتحاد کے تحت نو سیٹیں اپنے لیے رکھی ہیں۔ ایک سیٹ، کروکشیتر سیٹ، عام آدمی پارٹی کو دی گئی ہے، جہاں سے سشیل کمار گپتا میدان میں ہیں۔

No Comments:

Leave a Reply

Your email address will not be published. Required fields are marked *