Tasawwuf Advertisement 2024

قومی خبریں

خواتین

اکتوبر کے پہلے ہفتہ میں ہوگی اپوزیشن اتحاد ’انڈیا‘ کی پہلی ریلی

ہم نے مل کر جمہوریت کی حفاظت کا عزم کیا ہے، ہم اسے ضرور پورا کریں گے:گوپال

نئی دہلی:اپوزیشن اتحاد’انڈیا‘ کی کوآرڈینیشن کمیٹی کی پہلی میٹنگ بدھ کو راجدھانی دہلی میں شرد پوار کی رہائش گاہ پر ہوئی۔ میٹنگ کے بعد کانگریس لیڈر کے سی وینوگوپال نے پریس کانفرنس کی۔ انہوں نے بتایا کہ ہم نے ملک کی مختلف ریاستوں میں ریلیاں کرنے کا فیصلہ کیا ہے۔ اکتوبر کے پہلے ہفتے میں بھوپال میں پہلی ریلی نکالی جائے گی۔ جس میں مودی حکومت میں بڑھتی ہوئی بے روزگاری، مہنگائی، بدعنوانی وغیرہ جیسے مسائل پر بات کی جائے گی۔
کے سی وینوگوپال نے کہا کہ سیٹوں کی تقسیم پر ابھی تک کوئی فیصلہ نہیں کیا گیا ہے۔ تمام جماعتیں مل کر اس حوالے سے جلد از جلد کوئی فیصلہ کریں گی۔ انہوں نے بتایا کہ ٹی ایم سی لیڈر ابھیشیک بنرجی میٹنگ میں شامل نہیں ہو سکے کیونکہ انہیں ای ڈی نے طلب کیا تھا۔میٹنگ ختم ہونے کے بعد، کانگریس نے ایکس پر لکھا (جو پہلے ٹویٹر تھا) ہم نے مل کر جمہوریت کی حفاظت کا عزم کیا ہے، ہم اسے ضرور پورا کریں گے۔
خبر رساں ایجنسی پی ٹی آئی کے مطابق ملاقات میں موجود رہنماؤں نے سیٹ شیئرنگ فارمولہ جلد طلب کیا ہے۔ یہ فیصلہ ہونا باقی ہے کہ لوک سبھا سیٹوں پر بی جے پی امیدواروں کے خلاف اپوزیشن کا مشترکہ امیدوار کھڑا کیا جائے گا۔ کئی لیڈروں نے کہا کہ سیٹ شیئرنگ کے لیے اپنی خود غرضی چھوڑنی ہوگی۔

No Comments:

Leave a Reply

Your email address will not be published. Required fields are marked *