غزہ کے نہتے مسلمانوں پر صیہونی مظالم کے 100 دن مکمل

غزہ : اسرائیل نے غزہ پٹی پر بمباری کا سلسلہ جاری رکھا ہوا ہے ،صہیونی فوج کے غزہ کے نہتے مسلمانوں پر ظلم کے 100 دن ہو گئے لیکن وحشیانہ بمباری تھم سکی اور نہ ہی غزہ کی نسل کشی رک سکی۔7 اکتوبر کو اسرائیل پر حملے کے تین ماہ سے زائد عرصے بعد ، 24ہزار سے زیادہ فلسطینی شہید کیے جا چکے ہیں اور غزہ ملبے کا ایک بنجر زمین بن گیا ، غزہ کی 2.3 ملین آبادی کے ایک مٹھی بھر کے علاوہ باقی سب کچھ جنوبی حصے میں ایک چھوٹے سے کونے میں دب گیا ہے۔رفح میں ہاتھ میں روٹی کے ٹکڑے کے ساتھ ایک شہید لڑکی کی تصویر اٹھائے ہوئے ایک شہری نے بتایا کہ جب ہم رات کا کھانا کھا رہے تھے صہیونی فوج نے گھر پر حملہ کیا ، یہ میرے پاس ایک تصویر موجود ہے جو اس بات کی گواہی دے رہی ہے۔
جنوبی افریقہ نےآئی سی جے کے سامنے اسرائیل پر نسل کشی کا الزام لگاتے ہوئے مقدمہ شروع کیا ہے غزہ میں ہلاکتوں کے بڑے پیمانے اور سنگین انسانی صورتحال نے عالمی رائے عامہ کو چونکا دیا ہے۔اسرائیل نے اس الزام کو سراسر تحریف کے طور پر مسترد کرتے ہوئے کہا ہے کہ غزہ میں اس کی کارروائیاں اپنے دفاع میں حماس کے بندوق برداروں کے 7 اکتوبر کو جنوبی اسرائیل میں کمیونٹیوں کے ایک حلقے پر حملے کے بعد اٹھائی گئی ہیں، جس میں 1200 سے زیادہ اسرائیلی اور غیر ملکی ہلاک ہو گئے تھے اور تقریباً 240 کو یرغمال بنایا گیا تھا۔اسرائیلی فوج کا کہنا تھا کہ8اس نے ہزارسے زائد جنگجووؤں کو شہید کردیاہے ، ساتھ ہی لڑائی کے ایک نئے مرحلے کا اعلان کیا ہے۔شمالی غزہ سے کچھ افواج کو واپس بلا لیا ہے، جبکہ جنوب میں کارروائیاں جاری رکھی ہوئی ہیں، جہاں غزہ میں تحریک کے رہنما یحییٰ سنوار سمیت حماس کے سینیئر رہنما موجود ہیں۔