نیٹ امتحان کے دوران امیدواروں کےلئے مفت ڈی ٹی سی سفر

نئی دہلی، 20 جون(میرا وطن نیوز )
کل لاکھوں طلباءقومی اہلیت کے ساتھ داخلہ ٹیسٹ (نیٹ) میں شرکت کرکے اپنے خوابوں کی تعبیر کی طرف ایک اہم قدم اٹھائیں گے۔ امتحان کے موقع پر طلباءاور ان کے والدین کو اپنی نیک خواہشات کا اظہار کرتے ہوئے، وزیر اعلیٰ ریکھا گپتا نے کہا کہ دہلی سرکار نے اس بات کو یقینی بنایا ہے کہ ٹیسٹ کے دن کسی بھی خاندان کو نقل و حمل، گرمی یا انتظار کے انتظامات کے سلسلے میں غیر ضروری تکلیف کا سامنا نہ کرنا پڑے۔
وزیر اعلیٰ نے کہا کہ جہاں نیٹ امیدواروں کے لیے مفت ڈی ٹی سی بس سفر کا انتظام کیا گیا ہے، وہیں تمام 97 امتحانی مراکز کے باہر والدین اور خاندان کے اراکین کے لیے خصوصی ’کولنگ زون‘ بھی قا ئم کیے گئے ہیں۔ ہر طالب علم کے خوابوں اور ہر والدین کی امیدوں کا احترام کرنا سرکار کی ذمہ داری ہے، اور پوری دہلی کل ہونے والے امتحان میں شامل ہونے والے ہر امیدوار کی کامیابی کے لیے نیک تمناو ¿ں کا اظہار کرتا ہے۔
نیٹ کے تمام امیدواروں کے لیے اپنی نیک خواہشات کا اظہار کرتے ہوئے وزیر اعلیٰ نے کہا کہ یہ امتحا ن ان کی محنت، لگن اور خوابوں کو ایک نئی سمت دینے کا موقع ہے۔ انہوں نے طلباءپر زور دیا کہ وہ اعتماد کے ساتھ امتحان دیں اور ان کے روشن مستقبل کی خواہش کی۔انہوں نے کہا کہ پوری دہلی ان کی کامیابی کے لیے دعاگو ہے۔