مقننہ کے ذریعہ بنائے گئے قوانین کو نئی نسل کی ضروریات کے مطابق ہونا چاہئے: لوک سبھا اسپیکر

نئی دہلی / چنڈی گڑھ، 8 جون (میرا وطن نیوز )
لوک سبھا کے اسپیکر اوم برلا نے پیر کو کہا کہ ’وکشت بھارت‘کا عزم ایک قومی عہد ہے جس کے لیے ملک کے ہر شہری اور ادارے کے تعاون کی ضرورت ہے۔ انہوں نے اس بات پر زور دیا کہ اس وڑن کو عملی جامہ پہنانے کے لیے یہ بہت ضروری ہے کہ ہماری پالیسیاں، اسکیمیں، پروگرام اور بجٹ کے انتظاما ت معاشرے کے آخری فرد کی زندگی میں مثبت تبدیلیاں لاتے ہیں۔ ہمیں سماجی تبدیلی کی رفتار کو تیز کر نا چاہیے، اخلاقی اقدار کو مضبوط کرنا چاہیے، اور معاشرے کو ترقی پسند سمت میں لے جانا چاہیے۔ انہوں نے کہا کہ قانون ساز اس مقصد کو حاصل کرنے میں اہم کردار ادا کرتے ہیں، کیونکہ وہ پالیسیوں اور عوامی فلاح و بہبود کے اقدامات کے ذریعے اپنے حلقوں میں زمینی تبدیلی لانے کے لیے سب سے موثر ایجنٹ ہیں۔
لوک سبھا اسپیکر اوم برلا نے چنڈی گڑھ میں ہریانہ قانون ساز اسمبلی کے چیمبر میں کامن ویلتھ پارلیما نی ایسوسی ایشن (سی پی اے) انڈیا ریجن زون-II (شمالی زون) کانفرنس کا افتتاح کرتے ہوئے یہ باتیں کہیں۔ راجیہ سبھا کے ڈپٹی چیئرمین ہری ونش، ہریانہ کے وزیر اعلیٰ نایاب سنگھ، ہریانہ قانون ساز اسمبلی کے اسپیکر ہرویندر کلیان، اور ہریانہ کے پارلیمانی امور کے وزیر مہیپال ڈھنڈا، ریاستی سرکار کے دیگر وزراءاور قانون ساز اسمبلی کے اراکین اس پروقار موقع پر موجود تھے۔
21ویں صدی کی اس دہائی کو انتہائی اہم قرار دیتے ہوئے اوم برلا نے مشاہدہ کیا کہ عالمی منظر نامے میں بڑی تبدیلیاں رونما ہو رہی ہیں اور دنیا مختلف قسم کے تناو ¿ سے دوچار ہے۔ ایسے مشکل وقتوں میں بھی، ہندوستان اپنی طویل مدتی پالیسیوں اور منصوبوں کے ذریعے، اور اچھی حکمرانی اور ایک مستحکم، مضبوط قانونی فریم ورک کے ذریعے آگے بڑھ رہا ہے۔انہوں نے کہا کہ ترقی یافتہ ممالک میں رونما ہونے والی تبدیلیوں کا باریک بینی سے مطالعہ کرتے ہوئے ، ہندوستان نے اپنے سماجی و اقتصادی حالات کے مطابق ضروری اور عملی ایڈجسٹمنٹ کو لاگو کیا ہے۔ انہوں نے کہا کہ دنیا آج نئی امید اور بے پناہ امکانات کے ساتھ ہندوستان کی طرف دیکھ رہی ہے۔ اس طرح، یہ اجتماعی کوششوں اور وسیع البنیاد شرکت کا وقت ہے۔
لوک سبھا اسپیکر نے ملک گیر عوامی تحریک کا مطالبہ کیا جو ہر شہری کو یہ محسوس کرنے کے قابل بنائے گی کہ وہ ‘وکشٹ بھارت’ (ترقی یافتہ ہندوستان) کی تعمیر میں انمول شراکت دے رہے ہیں۔اس دو روزہ سی پی اے انڈیا ریجن زون-II (نارتھ زون) کانفرنس کے افتتاحی اجلاس میں ملک بھر کی 12 ریاستو ں کی مقننہ کے پریزائیڈنگ افسران نے شرکت کی۔ سی پی اے زون-II کے رکن ریاستوں ہریانہ، پنجاب، ہماچل پردیش، جموں و کشمیر اور دہلی کے پریزائیڈنگ افسران کے علاوہ دیگر ریاستوں جیسے مد ھیہ پردیش، مہاراشٹر، گوا، اتر پردیش، سکم اور مغربی [بنگال] کے نمائندوں نے بھی حصہ لیا۔