ایم سی ڈی کے بدعنوان اہلکاروں کے خلاف سخت کارروائی کی جائے:دیویندر یادو

نئی دہلی، 2 جون(میرا وطن نیوز )
پردیش کانگریس صدر دیویندر یادو نے کہا کہ سیدالجاب میں پانچ منزلہ عمارت گرنے سے چھ لوگوں کی موت پر گہرے افسوس کا اظہار کیا ہے۔انہوں نے کہا کہ دہلی میونسپل کارپوریشن کے اندر غیر مجاز تعمیرا ت کی بدعنوانی اور ناجائز رشوت خوری کا براہ راست نتیجہ ہے۔ 30 مئی کو عمارت کے گرنے کے بعد وزیر اعلیٰ ریکھا گپتا کا جائے وقوعہ کا دورہ – اس کے ساتھ مجسٹریل انکوائری اور متعلقہ محکموں کی تحقیقات کے احکامات – محض رسمی کارروائی کے علاوہ کچھ نہیں تھا۔ متاثرہ خاندانوں سے ملاقات کے باوجود وزیر اعلیٰ نے نہ تو سانحہ میں جاں بحق ہونے والوں کے لیے کوئی معاوضہ دینے کا اعلان کیا اور نہ ہی ایم سی ڈ ی کے اندر موجود کرپٹ اہلکاروں کے خلاف کوئی تعزیری کارروائی کا حکم دیا۔
انہوں نے کہا کہ گزشتہ 16 سالوں میں 21 عمارتو ں کے منہدم ہونے سے 136 جانوں کے نقصان کی بنیادی وجوہات – جب سے کارپوریشن میں بی جے پی نے اقتدار سنبھالا ہے – غیر قانونی تعمیرات اور انتظامی غفلت ہے۔ اس دوران ان حادثات میں 178 افراد زخمی بھی ہوئے۔ انہوں نے کہا کہ غیر قانونی تعمیرات میں سالانہ اضافہ اور عمارت گر نے سے ہونے والی اموات کے باوجود قصورواروں کے خلاف کوئی کارروائی کرنے میں ناکامی بی جے پی کے بدعنوان چہرے کو بے نقاب کرتی ہے۔
اس موقع پردیویندر یادو نے مطالبہ کیا کہ ریکھا گپتاسرکارمرنے والوں کے اہل خانہ کو مناسب معاوضہ فراہم کرے۔ انہوں نے کر کہا کہ جان و مال کے نقصان کے ذمہ داروں کے خلاف فوجداری مقدما ت درج کیے جائیں اور سخت کارروائی کی جائے۔انہوں نے ایل جی پر زور دیا کہ وہ ایک انکوائری کمیٹی تشکیل دیں- جو ان عمارتوں کے گرنے کے متاثر ین کے تئیں ہمدردی کے اظہار کے طور پر- یہ معلوم کرنے کے لیے کہ پچھلے 16 سالوں میں پیش آنے والے حادثات کے لیے کتنے قصوروار اہلکاروں کو سزا دی گئی ہے، اس کے پیش نظر بی جے پی نے ہر ایک معاملے کو رفع دفع کرکے ختم کر دیا ہے۔