براڑی اسمبلی حلقہ میں100فٹاکی ابتر حالت 3 سے 4لاکھ رہائشی متاثر

نئی دہلی، 6 اپریل(میرا وطن نیوز )
تقریباً ایک دہائی سے سرکارکی بے حسی اور انتظامی بدعنوانی دہلی کی بگڑتی ہوئی حالت کے پیچھے بنیادی وجوہات رہی ہیں۔ دہلی کو درپیش بہت سی پریشانیوں میں سے سڑکوں کی خستہ حال حالت اورگہرے گڑھوں کی وجہ سے غیر متناسب طور پر مقامی باشندوں، بازار فروشوں، دکانداروں اور روزانہ مسافرو ں کو متاثر کرتی ہے۔
براڑی اسمبلی حلقہ میں100فٹاکی ابتر حالت 3 سے 4لاکھ رہائشیوں کو براہ راست متاثر کر رہی ہے۔ ان کی آواز کے طور پر کام کرتے ہوئے منگیش تیاگی براڑی اسمبلی سے کانگریس کے سابق امیدوار نے عوامی مفاد میں ’براڑی کی آواز‘ کے عنوان سے ایک بڑے عوامی تحریک کا آغاز کیا۔ اس اجتماعی آوا ز کو بڑھانے کے لیے یکجہتی کا مظاہرہ کرتے ہوئے براڑی کی تمام مارکیٹ ایسوسی ایشنز نے رضاکارانہ طور پر اپنی دکانیں اور تجارتی ادارے بند کر دیے۔
اس پرامن عمل کے ذریعہ انہوں نے متحد ہو کر 100 فٹا روڈ پر تعمیراتی کام فوری شروع کرنے کا مطالبہ کیا۔ اس عوامی تحریک سے متاثر ہو کر، پیشہ ور افراد — بشمول وکلاءاور ڈاکٹرز اب سرکارکے خلاف بروری کی سڑکوں کی تعمیر کی وکالت کے لیے اکٹھے ہو رہے ہیں۔ منگیش تیاگی کی کال پر لبیک کہتے ہو ئے براڑی اسمبلی حلقہ کے اندر سماج کے ہر طبقے سے تعلق رکھنے والے ہزاروں افراد، جن میں خواتین، نوجوان اور بوڑھے شامل ہیں۔