نیشنل اکالی دل کا بڑا فیصلہ: پوری ایگزیکٹو اور تمام ونگز تحلیل:پرمجیت پما

نئی دہلی،15فروری (میرا وطن)
نیشنل اکالی دل کے قومی صدر نے تنظیمی ڈھانچے میں بڑی تبدیلیوں کا اعلان کیا ہے، موجودہ ایگزیکٹو اور پارٹی کے تمام ونگز کو فوری اثر سے تحلیل کر دیا ہے۔اس سلسلے میں جاری بیان میں تنظیی صدر پرمجیت سنگھ پما نے کہا کہ یہ فیصلہ پارٹی کو مضبوط، زیادہ فعال اور عوام دوست بنانے کے مقصد سے لیا گیا ہے ۔ انہوں نے کہا کہ جلد ہی ایک نئی ایگزیکٹو تشکیل دی جائے گی جس میں نوجوانوں، خواتین اور نچلی سطح کے کارکنوں کو مناسب نمائندگی دی جائے گی۔
نیشنل اکالی دل کے صدرنے کہا کہ نیشنل اکالی دل وقتاً فوقتاً مختلف عوامی مسائل پر آواز اٹھاتی رہی ہے ۔ پارٹی نے سماجی، مذہبی اور سیاسی مسائل پر فعال کردار ادا کیا ہے اور احتجاج اور میمورنڈم کے ذریعے عام لوگوں کے مسا ئل کو انتظامیہ کی توجہ دلایا ہے۔پما نے کہا کہ یہ قدم تنظیم کو نئی توانائی اور ایک نئی سمت دینے کے لیے ضروری تھا۔ نئی ایگزیکٹو کمیٹی کی تشکیل کے بعد پارٹی عوامی مسائل کو مزید مضبوطی سے حل کرے گی اور نچلی سطح پر اپنی گرفت مضبوط کرے گی۔
ذرائع کے مطابق نئی ایگزیکٹو کمیٹی کا اعلان آنے والے دنوں میں خصوصی اجلاس کے بعد کیا جائے گا۔ پا رٹی قیادت کا خیال ہے کہ اس تنظیم نو سے تنظیم کو اپنی آئندہ سرگرمیوں میں نئی رفتار اور طاقت ملے گی ۔اس فیصلے پر پارٹی کارکنان پرجوش ہیں ۔