جنتا دل (یونائیڈ)کے زیر اہتمام اسٹوڈنٹ میٹ ممبر شپ کا انعقاد

نئی دہلی،یکم فروری (میرا وطن )
جنتا دل یونائیٹڈ،دہلی اکائی کی یوتھ ونگ کی جانب سے اتوار کو نیشنل آفس کے آڈیٹوریم میں اسٹوڈنٹ ممبر شپ میٹ کا اہتمام کیا۔ اس تقریب میں دہلی بھر کی مختلف یونیورسٹیوں اور تعلیمی اداروں کے سینکڑو ں طلباءنے جوش و خروش سے حصہ لیا۔
اجتماع کے دوران، وزیر اعلیٰ نتیش کمار کے نظریات، گڈ گورننس، سماجی انصاف، اور نوجوانوں پر مرکوز پالیسیوں سے متاثر ہو کر، نوجوانوں کی ایک بڑی تعداد نے جنتا دل (یونائیٹڈ) میں شمولیت اختیار کی۔ شامل ہونے کے دوران، نوجوانوں نے ضرورت مندوں کی خدمت کرنے، ایماندار ہونے اور قوم کی تعمیر کے لیے وقف ہونے کا عہد کیا۔
اس موقع پر جے ڈی یو دہلی کے ریاستی صدر شیلیندر کمار نے کہا کہ نوجوانوں کی طاقت کسی بھی سیاسی تحریک کے پیچھے محرک ہوتی ہے، اور جے ڈی یو نوجوانوں کو قیادت کے مواقع فراہم کرنے کے لیے پرعزم ہے۔ جے ڈی یو دہلی کے ریاستی صدر برج کشور نے طلباءپر زور دیا کہ وہ تنظیم کو نچلی سطح پر مضبوط کریں اور سماجی کاموں میں لگ جائیں۔
اس موقع پر جے ڈی یو دہلی کے ریاستی جنرل سکریٹری سرویش کشیپ نے کہا کہ دہلی میں جے ڈی یو میں شامل ہونے والے نوجوان اس بات کی علامت ہیں کہ وزیر اعلیٰ نتیش کمار کی پالیسیوں پر ان کا اعتماد مسلسل مضبوط ہو رہا ہے۔ تنظیم کے جنرل سکریٹری اشوک پردھان اور ریاستی نائب صدر کملیش رائے نے بھی اجتماع سے خطاب کیا۔
پروگرام کے دوران جے ڈی یو یوتھ نے اپنے تنظیمی ڈھانچے کو وسعت دی اور کئی عہدیداروں کا تقرر کیا ۔انش سکسینہ کوریاستی نائب صدر مقرر کیا گیا ہے۔دیگر عہدیداروں میںرجنیش کمار جھا (جنرل سکریٹری )ستیم راج ( خزانچی )اورپرتھوی سنگھا( سکریٹری) شامل ہیں۔پروگرام کا اختتام تنظیم کو مزید مضبوط کرنے کے عہد کے ساتھ ہوا۔