Tasawwuf Advertisement 2024

قومی خبریں

خواتین

بھابھی جی گھر پر ہیں کے اداکار فیروز خان کا دل کا دورہ پڑنے سے انتقال

فیروز خان نےاپنی آخری پرفارمنس 4 مئی کوووٹر مہوتسو میں بدایوں کلب میں دی تھی

نئی دہلی: مشہور اداکار اور ممکری آرٹسٹ فیروز خان کا جمعرات کو اتر پردیش کے بدایوں میں دل کا دورہ پڑنے سے انتقال ہوگیا۔ اس تجربہ کار فنکار کی ناگہانی موت سے ان کے مداحوں میں سوگ کی لہر دوڑ گئی ہے اور وہ سوشل میڈیا پر اظہار تعزیت کر رہے ہیں۔موصولہ اطلاعات کے مطابق فیروز خان کچھ دنوں سے بدایوں شہر میں تھے اور سوشل میڈیا کے ذریعے پرفارمنس دے رہے تھے اور دیگر پروگراموں میں بھی حصہ لے رہے تھے۔ انہوں نے اپنی آخری پرفارمنس 4 مئی کوووٹر مہوتسو میں بدایوں کلب میں دی تھی، جسے حاضرین نے خوب سراہا تھا۔
میگا اسٹار امیتابھ بچن کے ہم شکل بن کر ٹی وی پر اور لوگوں میں سرخیاں بنانے والے فنکار فیروز خان کو علی الصبح دل کا دورہ پڑا اور انہیں قریبی ضلعی اسپتال لے جایا گیا تاہم وہ اسپتال پہنچنے سے پہلے ہی اس دنیا سے رخصت ہوگئے۔انہوں نے امیتابھ بچن کے ہم شکل بن کر کافی سرخیاں حاصل کی تھیں۔ فیروز خان نے سیریلز بھابھی جی گھر پر ہے، ہپو کی الٹن پلٹن، جیجاجی چھت پر ہیں، صاحب بیوی اور باس کے علاوہ شکتی مان اور عدنان سمیع کے گانے تھوڈی سی تو لفٹ کرا دے میں بھی کام کیا۔ 1975 میں ریلیز ہونے والی فلم دیوار دیکھنے کے بعد وہ اس سے اتنے متاثر ہوئے کہ بگ بی کی طرح بولنے اور چلنے لگے۔

No Comments:

Leave a Reply

Your email address will not be published. Required fields are marked *