امت شاہ نے ساکیت میں میکس اسمارٹ سپر اسپیشلٹی اسپتال کا افتتاح کیا

نئی دہلی، 3 ستمبر (میرا وطن نیوز)
مرکزی وزیر داخلہ امت شاہ نے جمعرات کو ساکیت میں میکس اسمارٹ سپر اسپیشلٹی اسپتال کا افتتاح کیا۔ اس دوران انہوں نے وہاں پودار بھی لگایا۔ اس موقع پر دہلی کی وزیر اعلیٰ ریکھا گپتا، مقامی رکن پارلیمنٹ رام ویر سنگھ بدھوڑی، وزیر صحت ڈاکٹر پنکج کمار سنگھ، ایم ایل اے ستیش اپادھیائے ، گجیندر یادو اور میکس اسپتال کے چیئرمین اور ایم ڈی ابھے سوئے موجود تھے۔
مرکزی وزیر داخلہ اور تعاون جناب امت شاہ نےX پر ایک پوسٹ میں کہا، ’ساکیت، دہلی میں میکس اسمارٹ سپر اسپیشلٹی ہسپتال کی نئی عمارت کا افتتاح کیا۔ یہ نئی سہولت ہسپتال چین کے عوامی خدمت کے 25 سالہ سفر میں ایک اور اہم سنگ میل کی نشان دہی کرتی ہے؛ صرف پچھلے سال میں اس چین نے 244 کروڑ روپے کی جدید ترین طبی خدمات فراہم کی ہیں، اور اس طرح کی نئی خدمات سے 3.60 لاکھ لوگوں سے بھی زیادہ لوگوںکو مزید فائدہ ہوگا۔
وزیر اعلیٰ ریکھا گپتا نے ایک سوشل میڈیا پوسٹ میں کہا کہ صحت کی دیکھ بھال کی یہ نئی سہولت دہلی کے طبی بنیادی ڈھانچے کو مزید مضبوط کرے گی اور شہریوں کے لیے جدید اور معیاری صحت کی دیکھ بھال تک رسائی میں اضافہ کرے گی۔
ممبر پارلیمنٹ رام ویر سنگھ بدھوڑی نے کہا کہ مرکزی وزیر داخلہ امت شاہ نے آج اپنے لوک سبھا حلقہ میں میکس اسمارٹ سپر اسپیشلٹی اسپتال کا افتتاح کرکے دہلی کے لوگوں کو عالمی معیار اور جدید صحت کی دیکھ بھال تک رسائی کا ایک بڑا موقع فراہم کیا ہے۔