22ویں کامن ویلتھ ٹیبل ٹینس چمپئن شپ 2026 کے ماسکوٹ ’میور‘ کی نقاب کشائی

25 سے زائد ممالک کے کھلاڑیوں کی شرکت ، دہلی عالمی کھیلوں کی فضیلت کا مرکز بنے گی

نئی دہلی، 14 جولائی(میرا وطن نیوز )
وزیر اعلیٰ نے منگل کو 22 ویں کامن ویلتھ ٹیبل ٹینس چیمپئن شپ 2026 کے آفیشل میسکو ٹ ’میور‘ کی نقاب کشائی کی۔ تقریب کے دوران ریکھا گپتا نے چیمپئن شپ کا انتہائی متوقع آفیشل ٹریلر بھی لانچ کیا۔ شوبنکر کی علامتی اہمیت پر روشنی ڈالتے ہوئے انہوں نے کہا کہ ’میور‘ ہندوستان کے قومی پرند ے سے متاثر ہے، جو توانائی، جوش و خروش، متحرک اور مثبتیت کا مجسم ہے۔ قابل ذکر بات یہ ہے کہ تمام حصہ لینے والے ممالک کے قومی پرچموں کو خوبصورتی سے میسکوٹ کے پلمیج میں شامل کیا گیا ہے، جو ’واسودھائیو کٹمبکم‘ کے عالمی پیغام اور کھیلوں کے جذبے کی عکاسی کرتا ہے۔
نئی دہلی کے للت ہوٹل میں منعقد تقریب میں وزیر تعلیم آشیش سود، ٹیبل ٹینس فیڈریشن آف انڈیااور کامن ویلتھ ٹیبل ٹینس فیڈریشن کے عہدیداران، مختلف ممالک کے نمائندوں، کھلاڑیوں، کھیلوں کے معززین اور نوجوانوں کی ایک بڑی تعداد نے شرکت کی۔وزیر اعلیٰ نے کہا کہ دہلی ایک بار پھر اپنی کھیلو ں کی ثقافت، بہترین انفراسٹرکچر اور مہمان نوازی کو دنیا کے سامنے دکھانے کے لیے تیار ہے۔ تمام شرکت کرنے والے ممالک اور کھلاڑیوں کو راجدھانی میں خوش آمدید کہتے ہوئے انہوں نے ٹورنا منٹ کے کامیاب انعقاد کے لیے نیک خواہشات کا اظہار کیا۔
یہ سات روزہ کھیلوں کا ایکسٹرواگنزا 27 جولائی سے 2 اگست 2026 تک نئی دہلی کے جدید ترین تیا گ راج اسٹیڈیم میں منعقد ہوگا۔ اس چیمپئن شپ میں 25 سے زیادہ دولت مشترکہ ممالک کے ٹاپ پیڈلرز حصہ لے رہے ہیں۔ ان میں انگلینڈ، کینیڈا، نیوزی لینڈ، نائجیریا، سنگاپور، سکاٹ لینڈ، ویلز، آسٹریلیا، جنوبی افریقہ، ملائیشیا، مالٹا، بوٹسوانا، جمیکا، کینیا اور ٹرینیڈاڈ اینڈ ٹوباگو شامل ہیں۔ ٹورنامنٹ کا فائنل 2 اگست کو کھیلا جائے گا۔