راہل گاندھی نے ہریانہ میں کسانوں کے ساتھ جلیبی، پکوڑےکے مزے لئے

نئی دہلی: ہریانہ میں اسمبلی انتخابات کے لیے تشہیر ختم ہونے میں بہت کم وقت باقی ہے اور کانگریس لیڈر راہل گاندھی پارٹی کے لیے زور و شور سے مہم چلا رہے ہیں۔ راہل گاندھی گزشتہ روز جب جلسوں میں شرکت کے لیے پہنچے تھے ان کا منفرد انداز دیکھے کو ملا۔ اس نے بہادر گڑھ میں مشہور پکوڑوں کا مزہ لیا۔ گوہانہ میں ماتورام حلوائی کی دکان پر بنی مشہور جلیبی کا ذائقہ لیا اور سونی پت کے ایک دیہی خاندان کے گھر رات کا کھانا کھایا۔ مدینہ گاؤں کے کسانوں نے راہل گاندھی کو وہ پودا سے اگنے والے چاول بطور تحفہ پیش کئے گئے، جسے انہوں نے خود کھیت میں لگایا تھا۔
دراصل، راہل گاندھی نے پچھلے سیزن میں ہریانہ کے مدینہ گاؤں کا دورہ کیا تھا۔ وہاں انہوں نے ٹریکٹر چلایا تھا اور کھیت میں دھان کے پودے لگائے تھے اور گنا کی بھی بوائی کی تھی۔ انہوں نے کسانوں کے ساتھ بیٹھ کر کھانا بھی کھایا تھا، جس کی ویڈیو وائرل ہو گئی تھی۔ راہل نے منگل کو ہریانہ انتخابات میں بہادر گڑھ، کھرکھودا، سونی پت، گنور اور گوہانہ اسمبلی حلقوں میں روڈ شو کیا۔