سروجنی نائیڈو سنٹر فار ویمنز اسٹڈیز جامعہ نے پروفیسر نائلہ کبیر کے آن لائن لیکچر کا اہتمام کیا

نئی دہلی، 6 اپریل(میرا وطن نیوز )
اپنی ’ممتاز لیکچر سیریز‘ کے ایک حصے کے طور پرسروجنی نائیڈو سینٹر فار ویمن اسٹڈیز نے پروفیسر نائلہ کبیر — پروفیسر ایمریٹا آف ‘جینڈر اینڈ ڈیولپمنٹ’ کو لندن اسکول آف اکنامکس (ایل ایس ای) کے مو ضوع پر ایک لیکچر دینے کے لیے مدعو کیا۔ اس بات کا جائزہ لیا کہ کس طرح بنگلہ دیش نے معاشی چیلنجو ں کا سامنا کرنے کے باوجود نمایاں سماجی ترقی حاصل کی ہے، پدرانہ ڈھانچے کو مکمل طور پر ختم کرنے کے بجائے نئی شکل دینے میں خواتین کی ‘ایجنسی’ (فعال کردار) پر خاص زور دیا ہے۔
پروفیسر کبیر نے وضاحت کی کہ بنگلہ دیش کی ترقی نہ صرف ‘غریبوں کے حامی’ بلکہ ‘صنف انصاف’ بھی رہی ہے۔ اس پیشرفت کو تعلیمی پالیسیوں، خاندانی منصوبہ بندی کے اقدامات، این جی او کی مدا خلتوں، اور ملبوسات کی صنعت میں دستیاب مواقع سے تقویت ملی ہے۔ انہوں نے اس بات پر روشنی ڈالی کہ کس طرح خواتین کی ‘ایجنسی’ متنوع شکلوں میں ظاہر ہوئی ہے – جس میں خفیہ مزاحمت سے لے کر کھلے عام سودے بازی تک شامل ہیں – اور کس طرح ان انفرادی اعمال نے اجتماعی طور پر سماجی تبدیلی لانے کے لیے اکٹھا کیا ہے۔
مرکز کی پی ایچ ڈی ریسرچ اسکالر پریتی موریہ نے سیشن کا آغاز کیا۔ اس کے بعد سروجنی نائیڈو سینٹر فار ویمن اسٹڈیز کے اعزازی ڈائریکٹر پروفیسر نشاط زیدی نے خطبہ استقبالیہ پیش کیا اور مقرر کا تعارف کرایا۔ لیکچر کے بعد ایک انتہائی دلچسپ سوال و جواب کا سیشن ہوا، جس کے دوران اسکالرز اور ماہر ین تعلیم نے گفتگو کو مزید تقویت بخشنے کے لیے شرکت کی۔ اس تقریب میں ہندوستان بھر سے اساتذہ اور طلباءکی بڑی تعداد نے شرکت کی۔لیکچر کا اختتام ڈاکٹر آمنہ حسین کے شکریہ کے کلمات پر ہوا۔ ڈاکٹر حسین ‘ممتاز لیکچر سیریز’ کے کوآرڈینیٹر کے طور پر کام کرتی ہیں اور انہوں نے ‘سروجنی نائیڈو سینٹر فار ویمنز اسٹڈیز’ کی جانب سے یہ تجویز پیش کی۔