تاج نگر ایک بار پھر عالمی فٹ ویئرکی تجارت کا مرکز بننے کے لیے تیار

آگرہ۔ تاج نگر ایک بار پھر عالمی فٹ ویئرکی تجارت کا مرکز بننے کے لیے تیار ہے۔ آگرہ میں 8، 9 اور 10 نومبر 2024 کو آگرہ فٹ ویئر مینوفیکچررز اینڈ ایکسپورٹرز چیمبر کے زیر اہتمام تین روزہ 16 ویں لیدر ، فٹ ویئر کے اجزاء اور ٹیکنالوجی میلے میں 200 سے زیادہ نمائش کنندگان اور 35 سے زائد تجارتی زائرین شرکت کریں گے۔اس میں 35ممالک کی نمائندگی ہو گی۔ یہ اطلاع ایف ایم ای سی کے صدر پورن داوڑ نے جمعرات کو آگرہ ٹریڈ سینٹر، سنگنا میں تقریب کے مقام پر منعقدہ ایک پریس کانفرنس میں دی۔ انہوں نے کہا کہ اس میلے کی اصل توجہ 7200 مربع میٹر سے زائد رقبے پر پھیلی دنیا کی جدید ترین ٹیکنالوجی کے ساتھ جوتے بنانے والی جدید ترین مشینری اور پرزوں کی نمائش ہوگی۔ اس بار 20 ہزار سے زائد زائرین کے آنے کا امکان ہے۔
آگرہ فٹ ویئر مینوفیکچررز اینڈ ایکسپورٹرز چیمبرکے کنوینر کیپٹن اے ایس رانا نے کہا کہ اس میلے میں مختلف نمائش کنندگان کی جانب سے 200 سے زائد سٹالز لگائے گئے ہیں جن میں چمڑے، سولی، جوتوں سے چپکنے والی مشینری اور فٹ ویئر کی تیاری کے دیگر اجزاء کی نمائش کی گئی ہے۔ اس میلے کا بنیادی مقصد ان مصنوعات کی سپلائی چین کو مضبوط بنانا ہے۔ کیپٹن رانا نے کہا کہ یہ ایونٹ نہ صرف کاروباری مواقع کو بڑھانے کا کام کرتا ہے بلکہ فٹ وئر کی صنعت میں زیر تربیت طلباء کے لیے سیکھنے کا ایک اہم پلیٹ فارم بھی پیش کرتا ہے۔ اس میلے کے ذریعے نوجوان شرکاء صنعت کی جدید ترین ٹیکنالوجیز، مصنوعات اور کاروباری حکمت عملیوں کے بارے میں جان سکتے ہیں، جو ان کے کیریئر کی ترقی میں مددگار ثابت ہوں گی۔