دہلی میں آلودگی کی سطح پھر خطرناک

نئی دہلی :ایئر کوالٹی اینڈ ویدر فورکاسٹنگ اینڈ ریسرچ کے سسٹم کے مطابق دہلی کی ہوا کا معیار جمعہ 24 نومبر کی صبح گر کر ‘انتہائی ابتر زمرے میں آ گیا، جس میں ایئر کوالٹی انڈیکس 350 سے اوپر تھا۔ جمعہ کی صبح 7.55 بجے دہلی این سی آر کے لیے مجموعی اےکیو آئی 388 رکارڈ کیا گیا۔اگرچہ قومی راجدھانی کے کئی علاقوں میں ہوا کا معیار ‘شدیدزمرے سے ‘ابتر زمرے میں آنے کی وجہ سے معمولی طور پر بہتر ہوا، لیکن جمعہ کو ریکارڈ کیے گئے آلودگی کے اعداد کے مطابق یہ شہریوں کے لیے خطرناک رہا۔
ایئر کوالٹی انڈیکس کے مطابق، 0 سے 100 کی درجہ بندی کو ‘اچھا، 100 سے 200 کی درجہ بندی ‘اعتدال پسند، 200 سے 300 کی درجہ بندی ‘خراب، 300 سے 400 کی درجہ بندی ‘انتہائی خراب اور 400 سے 500 یا اس سے اوپر کی درجہ بندی ‘شدیدزمرے میں مانی جاتی ہے۔اس کے علاوہ، لودھی روڈ کے علاقے میں 359 کااے کیو آئی ریکارڈ کیا گیا، جبکہ دہلی یونیورسٹی اور ہوائی اڈے ٹرمینل-3کے علاقوں میں اے کیو آئی386 اور 398 ریکارڈ کیا گیا۔مرکزی آلودگی کنٹرول بورڈ کے اشتراک کردہ اعداد و شمار سے پتہ چلتا ہے کہ آنند وہار میں آلودگی کا انڈیکس 411 تھا، اور علی پور، وزیر پور، اور آر کے پورم میں اے کیو آئی 432، 443 اور 422 کی شدید حد میں تھے۔