خنزیر کا گوشت کھانے سے پہلے بسم اللہ کہنے والی خاتون کو دو سال قید کی سزا

جکارتہ: نعوذ باللہ خنزیر کا گوشت کھانے سے پہلے بسم اللہ کہنے والی خاتون کو انڈونیشیا کی ایک عدالت نے توہین مذہب کے جرم میں دو سال قید کی سزا سنائی ہے۔ اس خاتون نے ٹک ٹاک ویڈیو میں یہ شر انگیز حرکت کی تھی۔ جکارتا سے موصولہ اطلاعات کے مطابق انڈونیشیا سے تعلق رکھنے والی خاتون لینا مکھرجی جس کی عمر 33 سال ہے،کو جنوبی سماترا کے شہر پالم بانگ کی عدالت نے دو سال قید کی سزا سنائی ہے اور 250 ملین جرمانہ عائد کیاہے۔ تحقیقات کے دوران پتہ چلا کہ اس غیر مسلم خاتون نے مسلمان کے طور پر اپنی شناخت ظاہر کی اور اس نے اسی سال سوشل میڈیا پلیٹ فارم ٹک ٹاک پر ایک ویڈیو شیئر کی تھی جس میں اس کے سامنے خنزیر کا گوشت رکھا ہوا تھا اور اس نے نعوذ باللہ بسم اللہ پڑھ کر اسے کھانا شروع کر دیا تھا۔ اس ویڈیو کے وائرل ہونے کے بعد اسے ملین افراد نے دیکھاتھا اور اس پر شدید تنقیدیں کی جا رہی تھیں۔ بعدازا ںپالم بانگ کے ایک شہری نے اس کے خلاف شکایت درج کرائی جس کے بعد پولیس نے اس خاتون کے خلاف مقدمہ درج کر لیا تھا۔ اس خاتون کا مقصد مسلمانوں کے خلاف نفرت پھیلانا تھا یا پھر ان مذاق اڑاناتھا۔ خاتون کو دو سال کی سزا کے ساتھ 250 ملین انڈونیشیائی روپے کا جرمانہ بھی عائد کیا گیا ہے اگر وہ جرمانے کی رقم ادا کرنے سے قاصر رہتی ہے تو اسے مزید دو سال جیل میں گزارنا ہوگا۔