بی جے پی 8 مارچ کو دہلی میں مہیلا سمان یوجنا لانچ کرے گی

ارشد فریدی
نئی دہلی،: دہلی کی وزیر اعلیٰ ریکھا گپتا نے ہفتہ یعنی(8 مارچ) کو 3 لاکھ روپے سالانہ آمدنی والے گروپ کی تمام خواتین کے لیے مہیلا سمان یوجنا پروگرام کا اعلان کرنے کے لیے ایک پریس کانفرنس کریں گی۔جمعرات کو وزیر اعلی کے دفتر میں مہیلا سمان یوجنا کو حتمی شکل دینے کا کام جاری تھا۔ چیف سکریٹری دھرمیندر سینئر عہدیداروں کے ساتھ منصوبہ کے خاکہ کی نگرانی کررہے تھے۔
دہلی میں خواتین کو 2500 روپے کی یہ مالی امداد اسمبلی انتخابات 2025 سے پہلے بی جے پی قیادت کا ایک بڑا اعلان تھا اور وزیر اعظم نریندر مودی کی تصویر کے ساتھ انتخابی مہم کے دوران پارٹی ایک بڑا مسئلہ بن گئی تھی۔ ہر خاتون کو 2500 روپے کی مالی امداد کا یہ اعلان گیم چینجر ثابت ہوا اور بی جے پی نے 27 سال بعد راجدھانی میں دوبارہ اقتدار حاصل کیا۔ ذرائع کے مطابق دہلی حکومت 8 مارچ یعنی خواتین کے عالمی دن کے موقع پر اس اسکیم کا اعلان کرنے کے لیے تیار ہے۔
وزیر اعلیٰ کے حکام نے ہفتہ کو ہونے والی پریس کانفرنس کے لیے لی میریڈین ہوٹل کا انتخاب کیا ہے جہاں صحافیوں کی بڑی تعداد موجود ہوگی۔ اس پریس کانفرنس کے بعد ہائی ٹی کا اہتمام کیا جائے گا۔ یہ اعلان اسمبلی انتخابات سے عین قبل بی جے پی قیادت کی طرف سے کئے گئے پہلے اہم وعدے کے نفاذ کی نشان دہی کرے گا۔
دراصل، بی جے پی نے پہلے ہی پچھلی عام آدمی پارٹی حکومت کی طرف سے دیے گئے تمام فوائد جاری رکھنے کا اعلان کیا ہے۔ اس لیے دہلی والوں کو امید ہے کہ 200 یونٹ مفت بجلی کی اسکیم کے ساتھ ساتھ مفت پانی کی سہولت بھی جاری رہے گی۔
ذرائع نے بتایا کہ ہر خاتون کو 2500 روپے کی یہ مالی امداد دینے سے دہلی حکومت پر 12000 کروڑ روپے کا مالی بوجھ پڑ سکتا ہے۔ دہلی حکومت کو اس مالی سال جی ایس ٹی سے 50,000 کروڑ روپے کا ریونیو اکٹھا کرنے کی امید ہے۔ اس لیے حکومت خواتین کو یہ مالی امداد فراہم کرنے کے قابل ہے۔
دہلی حکومت 2025-26 کا دہلی بجٹ تیار کرنے میں مصروف ہے، جس میں اسے دہلی کے لوگوں کو دی جانے والی ان تمام مفت سہولیات کو شامل کرنا ہوگا۔ دریں اثنا، دہلی کے وزیر اعلیٰ ہفتہ کو دارالحکومت کی خواتین سے اپنے بڑے وعدے کا اعلان کرنے والے ہیں۔