کویت کے امیر شیخ نواف الاحمد الصبا ح کا انتقال

کویت۔کویت کے امیر شیخ نواف الاحمد الصباح جنھیں طبی ایمرجنسی کی وجہہ سے نومبر کے آخر میں اسپتال میں داخل کرایاگیاتھا، کاآج انتقال ہوگیا۔ امیر شیخ نواف الاحمد الصباح86 سال کے تھے۔امیر کویت کے انتقال کی خبر منظر عام پر آنے کے بعد سرکاری ٹی وی کے معمول کے پروگراموں کو روک کر تلاوت قرآن اوردعائوں کا اہتمام ہو رہا ہے ۔ شیخ نواف الاحمد الصبا ح کے انتقال سے کویتی عوام، عرب اور اسلامی اقوام اور دنیا کے دوست ممالک سوگوار ہیں۔
شیخ نواف کے ابتدائی اقدامات میں سے ایک اپنے سوتیلے بھائی شیخ مشعل الاحمد الجابر الصباح کو، جو ایک تجربہ کار انٹیلی جنس اور سیکورٹی زار ہے، کو اپنا ولی عہد، یا نامزد وارث، اہم سیاسی اور ریاستی عہدوں پر ان کے لیے تعینات کرنا ہے۔ 83سالہ شیخ مشعل ممکنہ طور پر دنیا کے سب سے معمر ولی عہد ہیں -ہفتے کے روز، کویت کی کابینہ نے باضابطہ طور پر شیخ مشعل کو نیا امیرمنتخب کیا اور 40 روزہ سوگ کا اعلان کیا۔
شیخ نواف کے پیشرو، شیخ صباح الاحمد الصباح کے دور میںکویت ایک اہم علاقائی سفارتی کھلاڑی رہا ہے، جو ایک طرف سعودی عرب اور اس کے اتحادیوں اور دوسری طرف پڑوسی ریاست قطر کے درمیان بڑے تنازعات میں ثالث کا کردار ادا کرتا رہا ہے۔ اوپیک کے آئل کارٹیل اور علاقائی خلیج تعاون کونسل کے رکن کے طور پرکویت ایک اہم امریکی اتحادی ہے اور اسے اعتدال پسندی کے اینکر کے طور پر دیکھا جاتا ہے۔