صدردروپدی مرمو ’دہلی لکھپتی بٹیا یوجنا‘کا آغاز کریں گی آج

نئی دہلی، یکم مارچ(میرا وطن)
دہلی سرکار کی ایک اہم اسکیم جس کا مقصد خواتین اور لڑکیوں کو معاشی طور پر بااختیار بنانا ہے، کو سرکاری منظوری ملنے والی ہے۔ ایک خاص اور عظیم الشان تقریب ’ششکت ناری سمردھ دلی‘ پیر 2 مارچ کو اند ر ا گاندھی انڈور اسٹیڈیم میں منعقد کی جائے گی۔ تقریب میں صدر جمہوریہ دروپدی مرمو دہلی سرکار کی مہتواکانکشی ’دہلی لکھپتی بٹیا یوجنا‘کا باقاعدہ آغاز کریں گی۔ وزیر اعلیٰ ریکھا گپتا نے کہا کہ یہ پروگرام خواتین کو بااختیار بنانے کے لیے دہلی سرکارکے عزم کی علامت ہے۔ یہ پروگرام خواتین اور اطفال کی ترقی کے محکمے کی جانب سے منعقد کیا جا رہا ہے۔
وزیر اعلیٰ ریکھا گپتا نے وضاحت کی کہ پچھلے ڈھانچے کے تحت، ادارہ جاتی پیدائش کے لیے ہر اہل لڑکی کے نام پر 11ہزار روپے اور گھریلو پیدائش کے لیے 10ہزار روپے جمع کیے گئے تھے۔ مزید برآں، 5 ہزار کلیدی تعلیمی سنگ میلوں پر جمع کیے گئے جیسے کہ گریڈ ایک، چھٹی اور 9ویں میں داخلہ، دسویں جما عت میں داخل ہونا، اور بارہویں جماعت میں داخل ہونا۔ اس جمع شدہ رقم کو سود کے ساتھ 18 سال کی عمر میں نکالا جا سکتا ہے۔ اب لڑکی کے نام پر مختلف مراحل میں کل 56ہزار جمع کیے جائیں گے، اور میچورٹی ویلیو، بشمول سود، 21 سال کی عمر تک 1 لاکھ سے زیادہ ہونے کی امید ہے۔