دہلی کے فلائی اوروں کی ہوگی تزئین کاری :ریکھا گپتا

نئی دہلی، 6 اپریل(میرا وطن نیوز )
وزیر اعلیٰ ریکھا گپتا کی موجودگی میں پیر کو دہلی سکریٹریٹ میں ایک اہم مفاہمت کی یادداشت پر دستخط ہوئے۔ اس ایم او یو کا مقصد شہر کے فلائی اوورز کے نیچے واقع خالی جگہوں کو خوبصورت اور منظم کرنا ہے۔ اس اقدام کا مقصد دہلی کو ایک صاف ستھرے، جمالیاتی لحاظ سے خوش کن اور اچھی طرح سے ترقی یافتہ شہری مرکز میں تبدیل کرنا ہے۔ تقریب میںکابینہ وزیر پرویش صاحب سنگھ سمیت متعلقہ محکموں کے سینئر افسران نے شرکت کی۔
تقریب کے دوران، محکمہ تعمیرات عامہ (پی ڈبلیو ڈڈی) نے اپنے کارپوریٹ سماجی ذمہ داری (سی ایس آر) فریم ورک کے تحت ڈالمیا بھارت لمیٹڈ، گودریج انڈسٹریز گروپ، اوراز مائی ٹرپ فاو ¿نڈیشن کے تعاون سے اس مفاہمت نامے پر دستخط کیے۔ وزیر اعلیٰ نے کہا کہ دہلی سرکار پرائیویٹ کمپنیوں کے ساتھ مل کر کام کر رہی ہے تاکہ عوامی مفاد میں پروجیکٹوں کو تیز کیا جا سکے، جس کا مقصد شہر کو مزید ترقی دینا ہے۔