وزیر اعلیٰ ریکھا گپتا نے این ڈی ایم سی علاقے میں ’پھولوں کے میلے‘ کا افتتاح

نئی دہلی، 3 مارچ(میرا وطن)
وزیر اعلیٰ ریکھا گپتا نے منگل کو کناٹ پلیس کے سینٹرل پارک میں نئی دہلی میونسپل کونسل (این ڈی ایم سی ) کے زیر اہتمام چار روزہ “پھول فیسٹیول 2026” کا افتتاح کیا۔ اس موقع پر این ڈی ایم سی کے چیئرمین کیشو چندر، وائس چیئرمین کلجیت سنگھ چہل اور دیگر لوگ موجود تھے۔
اس موقع پر ریکھا گپتا نے کہا کہ ملک کی راجدھانی کے طور پر دہلی کو مزید خوبصورت، صاف ستھرا اور پر کشش بنانا ہماری اجتماعی ذمہ داری ہے۔ انہوں نے کہا کہ ایک وقت تھا جب لوگ ٹیولپس دیکھنے کشمیر جاتے تھے، لیکن آج، این ڈی ایم سی کی کوششوں کی بدولت، دہلی کے لوگ یہیں راجدھانی میں رنگ برنگے ٹیولپس اور دیگر پھولوں سے لطف اندوز ہو رہے ہیں۔ انہوں نے اسے ’سیلفی فیسٹیول‘ قرار دیتے ہوئے کہا کہ یہ تقریب شہریوں کے لیے خوشی اور جوش کا موقع بن گئی ہے۔
فلاور فیسٹیول میں 18 مختلف حصوں میں 48 مختلف انواع کے 15,500 سے زیادہ پودے رکھے گئے ہیں۔یہ چار روزہ فلاور فیسٹیول عوام کے لیے 3 مارچ سے 6 مارچ تک مفت کھلا رہے گا، جس سے شہری کھلتے پھولوں کے قدرتی حسن سے لطف اندوز ہو سکیں گے۔