نئی دہلی عالمی کتاب میلہ 2026 فوجی تاریخ تھیم کے ساتھ بھارت منڈپم میں شروع

نئی دہلی ، 10جنوری(میرا وطن )
نئی دہلی ورلڈ بک فیئر کا 53 واں ایڈیشن، دنیا کا سب سے بڑاکتاب میلہ ہفتے کو بھارت منڈپم میں شرو ع ہوا۔ اس 9روزہ کتاب میلے کا اہتمام نیشنل بک ٹرسٹ (این بی ٹی)، انڈیا، وزارت تعلیم کے تحت، اور انڈیا ٹریڈ پروموشن آرگنائزیشن (آئی ٹی پی او) کے تعاون سے کیا گیا ہے۔ پہلی بار10 سے 18جنوری تک ہونے والے کتاب میلے میں داخلہ سب کے لیے مفت ہے۔ 35 سے زیادہ مما لک کے 1,000 سے زیادہ ناشرین شرکت کر رہے ہیں، 600 سے زیادہ تقریبات، 1,000 سے زیادہ مقررین، اور 2 ملین سے زیادہ زائرین کی توقع ہے۔
میلے کا افتتاح مرکزی وزیر تعلیم دھرمیندر پردھان نے کیا۔ اس موقع پر ہندوستان میں قطر کے سفیر محمد حسن جابر الجابر ، عبدالرحمن بن حمد بن جاسم بن حمد الثانی، قطر کی ریاست کے وزیر ثقافت، ارنسٹ ارٹا سن ڈومینیک، اسپین کے وزیر ثقافت، نیشنل بک ٹرسٹ آف انڈیا کے صدر پروفیسر ملند سدھاکر مرا ٹھے ۔ محترمہ ماریا ہوزے گالویز، اسپین کی وزارت ثقافت میں کتب، مزاحیہ اور مطالعہ کی ڈائریکٹر جنر ل ونیت جوشی، آئی اے ایس، اعلیٰ تعلیم کے سکریٹری، وزارت تعلیم نیرج کھروال، آئی اے ایس، منیجنگ ڈائریکٹر، آئی ٹی پی او؛ پریم جیت لال، آئی اے ایس، ایگزیکٹو ڈائریکٹر، آئی ٹی پی او اور یورا ج ملک، ڈائریکٹر، این بی ٹی اور سی ای او، نئی دہلی ورلڈ بک فیئر 2026 موجود تھے۔
افتتاحی تقریب کی ایک اہم خصوصیت “دی ساگا آف کڈوپلی: 1857 کی غیر سنگی کہانی” کے ترجمہ شدہ ورڑن کی ریلیز تھی۔ بنگالی، پنجابی، آسامی، ملیالم، اردو، مراٹھی، تامل، کنڑ، تیلگو اور ہسپانوی سمیت نو ہندوستانی زبانوں میں شائع ہونے والی یہ کتاب ہندوستان کی پہلی جنگ آزادی کے ایک مبہم باب سے پردہ اٹھاتی ہے، جس میں اڈیشہ کے سمبل پور ضلع کے کدوپالی سے ابھرنے والی مزاحمت کی تفصیل دی گئی ہے۔
اس موقع پر وزیر تعلیم نے کہا کہ نئی دہلی ورلڈ بک فیئر 2026، جو دنیا کا سب سے بڑا B2C کتاب میلہ ہے، نہ صرف خیالات کا سنگم ہے بلکہ ہندوستان کی مضبوط اور متحرک پڑھنے کی ثقافت کا بھی ایک شاندار جشن ہے۔ کتاب میلے کے موضوع، “انڈین ملٹری ہسٹری: بہادری اور حکمت @ 75” اور قطر اور اسپین جیسے ممالک کی شرکت کا حوالہ دیتے ہوئے وزیر تعلیم نے کہا کہ اس سے ثقافتی اور ادبی تقر یب کی اہمیت اور بڑھ جاتی ہے۔
انہوں نے کہا کہ کتاب “دی ساگا آف کدوپالی: دی ان سنگ سٹوری آف 1857” جو سنبل پور کی سرزمین پر جدوجہد آزادی کے گمنام باب کو اجاگر کرتی ہے، نو ہندوستانی زبانوں بشمول بنگالی، آسامی، پنجابی، مراٹھی، ملیالم اور اردو میں اور ایک بین الاقوامی زبان ہسپانوی میں شائع ہوئی ہے۔ انہوں نے بتایا کہ یہ کتاب پہلے ہی ہندی، انگریزی اور اوڈیا میں شائع ہوچکی ہے اور اب کل 13 زبانوں میں دستیاب ہے۔ انہوں نے اس کتاب کو ویر سریندر سائی جی کی وراثت اور کدوپالی کے شہیدوں کی قربانی کو خراج تحسین پیش کرنے کی ایک قابل ستائش کوشش قرار دیا۔
وزیر ثقافت ارنسٹ کہا کہ یہ میلہ ہندوستان میں ہسپانوی مصنفین کو فروغ دینے کا ایک اہم موقع فراہم کرتا ہے، جہاں ہسپانوی زبان اور ادب میں دلچسپی مسلسل بڑھ رہی ہے۔ انہوں نے دونوں ممالک کے درمیان تاریخی ادبی تعلقات کو بھی یاد کیا۔قطر کے وزیر ثقافت عبدالرحمن بن حمد بن جاسم بن حمد الثا نی نے کہا کہ قطر کی شرکت دونوں ممالک کے درمیان دوطرفہ تعلقات کی گہرائی کی عکاسی کرتی ہے اور ثقافت اور علم کو عوام سے عوام کے رابطے اور قومی تعمیر کا سنگ بنیاد قرار دیتی ہے۔
استقبالیہ خطبہ پیش کرتے ہوئے پروفیسر ملند سدھاکر مراٹھے نے کہا کہ یہ میلہ تین اہم سوالات کا جوا ب دیتا ہے: “کیوں پڑھیں، کیا پڑھیں، اور کیسے پڑھیں،” اور اس کا مقصد ایک طویل مدتی پڑھنے کی ثقافت کو فروغ دینا ہے، خاص طور پر نوجوانوں میں۔ انہوں نے سچائی، ترقی اور اجتماعی شرکت کی مشتر کہ اقدار کی طرف توجہ مبذول کرائی جو میلے میں مجسم ہندوستان، قطر اور اسپین کے قومی نعروں میں شامل ہیں۔این بی ٹی انڈیا کے ڈائریکٹر یوراج ملک نے کہا، ’ہمارے لیے اشاعت منافع کے بارے میں نہیں ہے، بلکہ مقصد ہے