ملک میں بے روزگاری عروج پر: آتشی

نئی دہلی:عام آدمی پارٹی (اے اے پی) نے منگل کو کہا کہ بھارتیہ جنتا پارٹی (بی جے پی) نے ہر سال دو کروڑ نوجوانوں کو نوکریاں دینے کا وعدہ کیا تھا، لیکن نوکریاں دینا تو دور انہوں نے لوگوں سے نوکریاں چھین لی اور آج ملک میں بے روزگاری اپنے عروج پر ہے۔
عام آدمی پارٹی کے سینئر لیڈر اور دہلی کی کابینہ کے وزیر آتشی نے منگل کو کالکاجی اسمبلی کے مختلف علاقوں میں میٹنگیں کیں اور جنوبی دہلی سے انڈیا گروپ کے لوک سبھا امیدوار سہیرام پہلوان کے لیے حمایت مانگی۔
انہوں نے کہا کہ ملک کے لوگوں نے لگاتار دو بار بی جے پی کو مرکز میں منتخب کیا۔ لیکن بی جے پی اور وزیر اعظم نریندر مودی نے لوگوں کو جملے دینے کے سوا کچھ نہیں کیا۔ انہوں نے کہا کہ جب بی جے پی اقتدار میں آئی تو اس نے مہنگائی کم کرنے کا وعدہ کیا تھا لیکن گزشتہ 10 سالوں میں مہنگائی کم ہونے کے بجائے بڑھتی ہی گئی۔ آج 300 روپے کا گیس سلنڈر 1200 روپے میں مل رہا ہے۔ پٹرول کی قیمتیں آسمان کو چھو رہی ہیں۔ روزمرہ ضروریات کی اشیاء کی قیمتیں بھی آسمان کو چھو رہی ہیں۔ عام آدمی کے لیے اپنا گھر چلانا مشکل ہو گیا ہے۔
انہوں نے کہا کہ مسٹر مودی اور بی جے پی نے ہر سال دو کروڑ نوجوانوں کو نوکریاں دینے کا وعدہ کیا تھا لیکن نوکریاں فراہم کرنا تو دور کی بات، انہوں نے لوگوں سے روزگار چھین لیا اور آج ملک میں بے روزگاری اپنے عروج پر ہے۔
محترمہ آتشی نے کہا کہ مسٹر مودی کا ہر وعدہ جملہ ثابت ہوا۔ نہ کرپشن ختم ہوئی، نہ کالا دھن آیا اور نہ ہی لوگوں کے کھاتوں میں 15 لاکھ روپے آئے۔ اس کے برعکس آج وزیر عظم ملک کے کرپٹ ترین لوگوں کو بی جے پی میں لے آئے ہیں۔
انہوں نے کہا کہ آج عوام مودی جی اور بی جے پی کی آمریت اور بیان بازی سے پریشان ہیں۔ عوام اس لوک سبھا الیکشن میں اپنے ووٹ کی طاقت سے بی جے پی کو اس کی بیان بازی کا جواب ضرور دیں گے۔