وایناڈ سے لوک سبھا ضمنی انتخابات لڑیں گی پرینکا گاندھی

نئی دہلی :کانگریس نے پرینکا گاندھی کو کیرالہ کی وایناڈ لوک سبھا سیٹ پر ہونے والے ضمنی انتخاب کے لیے اپنا امیدوار قرار دیا ہے۔ یہ پہلا موقع ہے جب پرینکا گاندھی نے انتخابی سیاست میں قدم رکھا ہے۔ اس کے علاوہ پارٹی نے کیرالہ میں دو اسمبلی سیٹوں پر ہونے والے ضمنی انتخابات کے لیے امیدواروں کا بھی اعلان کیا ہے۔کانگریس پارٹی نے پرینکا گاندھی کو کیرالہ کی وایناڈ لوک سبھا سیٹ پر ہونے والے ضمنی انتخاب کے لیے اپنا امیدوار قرار دیا ہے۔ اس کے ساتھ ہی، کانگریس پارٹی نے کیرالہ کی چیلکارہ اسمبلی سیٹ پر ہونے والے ضمنی انتخاب کے لیے رمیا ہری داس کو امیدوار اور راہول ممکوتاتھی کو پالکاڈ سیٹ کے لیے امیدوار قرار دیا ہے۔راہل گاندھی کے استعفیٰ کے بعد اب وائناڈ سیٹ پر ضمنی انتخاب ہو رہا ہے۔ جس وقت راہل گاندھی نے وائناڈ سیٹ چھوڑی تھی، کانگریس نے واضح کر دیا تھا کہ اس سیٹ پر ہونے والے ضمنی انتخاب میں پرینکا گاندھی ہی امیدوار ہوں گی۔ یہ پہلا موقع ہے جب پرینکا گاندھی الیکشن لڑ رہی ہیں۔ اب تک وہ پارٹی کی طرف سے دی گئی ذمہ داریاں نبھا رہی ہیں۔
، لیکن اب وہ انتخابی سیاست میں اتر چکی ہیں۔راہل نے رائے بریلی سے جیتنے کے بعد وائناڈ سیٹ چھوڑ دی۔اس سال جون میں ہونے والے لوک سبھا انتخابات میں کانگریس لیڈر راہل گاندھی نے دو سیٹوں سے الیکشن لڑا تھا۔ ان میں سے ایک ویاناڈ سیٹ تھی جبکہ دوسری یوپی کی رائے بریلی سیٹ تھی۔ راہل نے انتخابات میں دونوں سیٹوں پر بمپر جیت حاصل کی۔ ایسے میں انہیں ایک نشست چھوڑنی پڑی۔ راہل نے وایناڈ چھوڑنے کا فیصلہ کیا لیکن ساتھ ہی خاندان کے کسی فرد کو میدان میں اتارنے کا وعدہ بھی کیا تھا۔

راہل گاندھی نے 2019 میں بھی دو سیٹوں سے الیکشن لڑا تھا۔ اس میں ایک یوپی کی امیٹھی سیٹ تھی جبکہ دوسری وایناڈ سیٹ تھی۔ امیٹھی میں راہل گاندھی کو بی جے پی لیڈر اسمرتی ایرانی کے ہاتھوں شکست کا منہ دیکھنا پڑا، وہیں وایناڈ کے لوگوں نے راہل پر یقین کیا اور انہیں جیت کا تحفہ دیا۔