مودی او ریوگی نے گھر نہ بساکربے روزگاری روک دی ۔ بی جے پی ایم پی

نئی دہلی :لوک سبھا انتخابات شروع ہونے سے صرف دو دن قبل، بھارتیہ جنتا پارٹی (بی جے پی) کے رکن پارلیمنٹ دنیش لال یادو نے بھارت میں بے روزگاری پر اپنے تبصرے سے تنازعہ کھڑا کر دیا ہے۔نامہ نگاروں سے بات کرتے ہوئے یادو نے بی جے پی کے سینئر لیڈروں جیسے وزیر اعظم نریندر مودی اور اتر پردیش کے وزیر اعلیٰ یوگی آدتیہ ناتھ کو اولاد نہ ہونے سے بے روزگاری روکنے سے تعبیر کیا ۔انہوں نے مجھے بتاؤ، کیا مودی جی یا یوگی جی کا ایک بھی بچہ ہے؟ انہوں نے بے روزگاری کو روکا ہے۔ اب بتاؤ بے روزگاری کون بڑھا رہا ہے؟ جو بہت سے بچوں کو جنم دیتے ہیں۔ حکومت انہیں روکنے کوکہہ رہی ہے لیکن وہ مان نہیں رہے ہیں۔یادو پوروانچل میں انتخابی مہم چلا رہے تھے۔ خاص طور پر سرکاری شعبے میں بڑھتی ہوئی بے روزگاری پر ان کے تبصروں کے بارے میں پوچھے جانے پر یادو نے جواب دیا، “تقریباً 80 لاکھ سرکاری نوکریاں ہیں۔ میڈیا کے مطابق اگر حکومت ان خالی آسامیوں کو پورا کرتی ہے تو ہندوستان میں بے روزگاری کا مسئلہ ختم ہو جائے گا۔
یادو کا ویڈیو وائرل ہو گیا ہے جس میں بہت سے لوگوں نے ان کے غیر حساس تبصرہ کے لئے ان پر تنقید کی ہے، جس میں مبینہ طور پر ایک مخصوص مذہبی برادری کی طرف اشارہ کیا گیا ہے۔ایک ایکس صارف نے کہا، ”بی جے پی کے مطابق بے روزگاری بی جے پی کی غلطی نہیں ہے۔ یہ تمہاری غلطی ہے… اگر تم پیدا نہ ہوتے تو تمہیں نوکری کی ضرورت ہی نہ پڑتی۔تاہم، بی جے پی کے آئی ٹی سیل انچارج امیت مالویہ نے کہا کہ ویڈیو ‘جعلی’ ہے اور ‘گمراہ کن رپورٹوں’ کے خلاف کارروائی کرنے کے لیے یوپی پولیس کو ٹیگ کیا۔