ایوارڈز کا مقصد معالجین کا حوصلہ بڑھانا ہے: ڈاکٹر سید احمد خان

آل انڈیا یونانی طبی کانگریس اندور ڈویزن کا باضابطہ اعلان

نئی دہلی،30جنوری (میرا وطن)
آل انڈیا یونانی طبی کانگریس (مدھیہ پردیش) اور الفاروق یونانی میڈیکل کالج کے زیر اہتمام باوقار جشنِ صلاحیتِ یونانی میلہ اندور میں کامیابی کے ساتھ اختتام پذیر ہوا۔ مجاہد آزادی مسیح الملک حکیم اجمل خان کی یاد میں منعقد ہونے والی اس تقریب میں یونانی طبیبوں، محققین اور ہونہار طلباءکو ان کی شاندار خدمات اور یونانی طبی سائنس کے شعبے میں مہارت کے لیے اعزاز سے نوازا گیا۔
پروفیسر سلیم اختر نے اپنے خطبہ استقبالیہ میں تمام مہمانوں کا تعارف کرایا۔تقریب کی ایک اہم خصو صیت آل انڈیا یونانی طبی کانگریس اندور ڈویزن کا باضابطہ آغاز تھا۔ پروفیسر سلیم اختر کو خطے میں یونانی معالجین کے پیشہ ورانہ نیٹ ورک کو مضبوط کرنے کے لیے اس نئے ڈویزن کا انچارج مقرر کیا گیا۔
پروگرام کے دوران طب کے یونانی نظام کو فروغ دینے اور علمی فضیلت کو تسلیم کرنے کے لیے کئی ایوار ڈز پیش کیے گئے۔ ان میں شان مدھیہ پردیش ایوارڈ شامل تھا، جو مدھیہ پردیش پبلک سروس کمیشن کے امتحان میں ٹاپ کرنے والی ڈاکٹر شاہدہ بانو اور ڈاکٹر عارف انیس کو سرکاری شعبے میں مثالی طبی خدمات کے لیے پیش کیا گیا۔
اسی طرح ڈاکٹر پرویز عالم قادری کو پرائیویٹ پریکٹس میں شاندار کارکردگی پر، ڈاکٹر شائنی اور حکیم سلیما ن کو یونانی نظام طب کے بارے میں سماجی آگاہی پیدا کرنے کے لیے خصوصی کاوشوں پر اور یونیورسٹی ٹاپر اور بیسٹ کیس اسٹڈی ایوارڈز سے ریکارڈ ساز طلباءاور محققین کو پیچیدہ امراض پر تحقیقی رپورٹس پیش کی گئیں۔
اس موقع پر آل انڈیا یونانی طبی کانگریس کے قومی جنرل سکریٹری ڈاکٹر سید احمد خان نے کہا کہ ان ایوا رڈز کا مقصد معالجین کے حوصلے بلند کرنا ہے۔ طب کا یونانی نظام صدیوں پرانا ہے اور ہمیں اس کے ذر یعے خدمت کے جذبے کے ساتھ آگے بڑھنا چاہیے۔ انہوں نے مجاہد آزادی مسیح الملک حکیم اجمل خان کی قوم اور خاص طور پر یونانی نظام طب کے لیے خدمات کا ذکر کیا۔ آل انڈیا یونانی تبی کانگریس کے بانیوں سے بھی تفصیلی بات چیت کی گئی۔ ڈاکٹر سید احمد خان نے الفاروق یونانی میڈیکل کالج مینجمنٹ کمیٹی اور سٹاف کو گریڈ اے حاصل کرنے پر مبارکباد دی۔
تقریب کی صدارت کرتے ہوئے ڈاکٹر ظفر حسن نے کہا کہ نئی نسل کی کامیابی یونانی طب کے روشن مستقبل کی ضمانت ہے۔ ہمیں حکیم بقراط کے اصولوں پر عمل کرتے ہوئے عوامی بھلائی کے لیے کام کرنا چاہیے۔تقریب میں ڈاکٹر اشتیاق، ڈاکٹر محفوظ الرحمان، ڈاکٹر سنیل ونے، ڈاکٹر شاہد، ڈاکٹر مظہر اور کئی دیگر ماہرین موجود تھے۔ ڈاکٹر نورین عباسی نے پورے پروگرام کو کامیابی سے چلایا۔ آخر میں ڈاکٹر عظیم خان نے سب کا شکریہ ادا کیا۔