یمناپر ایریا ڈیولپمنٹ بورڈ میٹنگ میں 728 کروڑ کے پروجیکٹس منظور:وزیر اعلیٰ

نئی دہلی، 29 جنوری(میرا وطن)
یمناپر ایریا ڈیولپمنٹ بورڈ (ٹی وائی اے ڈی بی) نے یمناپر علاقے میں ترقی کی رفتار کو مو ¿ثر طریقے سے تیز کرنے کے لیے موثر اقدامات کیے ہیں، جو دہلی کی آبادی کا ایک تہائی حصہ ہے۔ وزیر اعلیٰ ر یکھا گپتا کی صدارت میں جمعرات کو منعقدہبورڈ میٹنگ میں تقریباً 728 کروڑ روپے کے پرو جیکٹو ں کو منظور کیا گیا۔ وزیر اعلیٰ نے کہا کہ یمناپر کی ترقی کے لیے بجٹ کی کوئی کمی نہیں ہوگی۔ انہوں نے بورڈ ممبران کو ضرورت کی بنیاد پر پراجیکٹس کو ترجیح دینے کی بھی ہدایت کی۔
دہلی سکریٹریٹ میں منعقدہ میٹنگ میں کابینی وزیر کپل مشرا، یموناپر ایریا ڈیولپمنٹ بورڈ کے چیئرمین او ر ایم ایل اے اروندر سنگھ لولی سمیت بورڈ کے دیگر اکین نے شرکت کی۔ وزیر اعلیٰ ریکھا گپتا نے کہا کہ ٹرانس یمنا خطے کی ترقی دہلی سرکار کی اولین ترجیحات میں شامل ہے۔ سرکار کا مقصد یمناپر کو اس حد تک ترقی دینا ہے کہ لوگ یہاں آکر رہنے کی خواہش کریں۔ انہوں نے ترقیاتی منصوبوں میں توازن کی اہمیت پر زور دیا۔ نہ صرف خوبصورتی کو ترجیح دی جائے بلکہ شہریوں کی بنیادی ضروریات جیسے کہ سڑکیں، نکاسی آب، پانی کا ذخیرہ اور محفوظ نقل و حمل کو بھی ترجیح دی جائے۔
بورڈ کے چیئرمین اروندر سنگھ لولی نے وزیر اعلیٰ سے اظہار تشکر کیا اور کہا کہ یمناپر خطہ کی ترقی کے لیے تمام اراکین اسمبلی کی طرف سے پیش کردہ تجاویز انتہائی اہم ہیں۔ انہوں نے کہا کہ اس اجتماعی کوشش سے یمناپر خطے کو بنیادی طور پر تبدیل کرنے میں مدد ملے گی۔ انہوں نے اس یقین کا اظہار کیا کہ وزیر اعلیٰ کی قیادت میں ان تجاویز کو تیزی سے حل کیا جائے گا اور ان پر موثر عمل درآمد کیا جائے گا جس سے علاقے کے شہریوں کو براہ راست فائدہ پہنچے گا۔