میٹرو کے تمام 143 ایلیویٹڈ اسٹیشنوں پر آلودگی پر قابو پانے کانظام نافذ

نئی دہلی، 4 فروری(میرا وطن )
وزیر اعلیٰ ریکھا گپتا نے کہا کہ دہلی سرکارنے راجدھانی کو صاف، آلودگی سے پاک اور خوبصورت بنا نے کی سمت میں ایک اور اہم قدم کامیابی سے مکمل کیا ہے۔ انہوں نے کہا کہ دہلی میٹرو نیٹ ورک کے اندر تمام 143 ایلیویٹڈ میٹرو اسٹیشنوں پر مسٹ اسپرے سسٹم یا اینٹی سموگ گن (اے ایس جی) لگا نے کا ہدف مقررہ وقت سے پہلے حاصل کر لیا گیا ہے۔
وزیراعلیٰ نے کہا کہ فضائی آلودگی سے نمٹنا سرکار کی اولین ترجیح ہے اور زمینی سطح پر ٹھوس اور عملی اقدامات کئے جا رہے ہیں۔ اس اقدام کے ایک حصے کے طور پر، میٹرو جیسے مصروف اور حساس علاقوں میں اب تک 131 مسسٹ اسپرے سسٹم اور 12 اینٹی سموگ گنیں نصب کی گئی ہیں۔ جہاں تکنیکی وجوہات کی وجہ سے دھند کا چھڑکاو ¿ ممکن نہیں تھا وہاں اس بات کو یقینی بنانے کے لیے اینٹی سموگ گنیں لگائی گئی ہیں کہ آلودگی پر قابو پانے کی کوششوں میں کوئی رکاوٹ نہ آئے۔
انہوں نے بتایا کہ اس سسٹم میں 89 آن روڈ اور 54 آف روڈ ایلیویٹڈ میٹرو اسٹیشن شامل ہیں۔ اس مقصد کے لیے دہلی میٹرو کے مختلف کوریڈورز پر واقع 50 اسٹیشنو ں پر آرٹ ورک مکمل کیا گیا ہے۔ ان فن پاروں میں فطرت، پھولوں، پرندوں اور ہندوستانی ثقافتی علامتوں کو دکھایا گیا ہے، جو اس شہر کی شناخت اور دلکشی میں مزید اضافہ کریں گے۔