دہلی یونیورسٹی میں پنک بوتھ اور انٹیگریٹڈ پولیس بوتھ کا افتتاح

نئی دہلی، 5 جنوری(میرا وطن)
دہلی پولیس کے تعاون سے پیر کو دہلی یونیورسٹی میں دو پولس بوتھس کا افتتاح کیا گیا۔ مرانڈا ہاو ¿س کالج میں پنک بوتھ اور یونیورسٹی کے گیٹ نمبر 4 پر انٹیگریٹڈ پولیس بوتھ کا قائم کیا گیا۔ دہلی پولیس کمشنر ستیش گولچہ (آئی پی ایس) تقریب کے مہمان خصوصی تھے۔ پروگرام کی صدارت ڈی یو کے وائس چا نسلر پروفیسر یوگیش سنگھ نے کی۔ مہمانوں نے پولیس بوتھس کا بھی معائنہ کیا۔ اس کے بعد باقاعدہ تقریب ڈی یو کے وائس ریگل لاج کے کنونشن ہال میں منعقد ہوئی۔
اس موقع پردہلی پولیس کمشنر ستیش گولچہ نے کہا کہ ہم ضرورت کے وقت ساتھی ہیں، جب بھی کسی کو کوئی مسئلہ درپیش ہوتا ہے تو سب سے پہلے 100 یا 102 پر کال کرتے ہیں۔ انہوں نے کہا کہ دہلی پولیس کا موریس نگر پولیس اسٹیشن دہلی یونیورسٹی کے زیر اہتمام ہے۔ یہ دو نئے بوتھ اسی کی توسیع ہیں۔ انہوں نے پنک بوتھ کے بارے میں معلومات فراہم کرتے ہوئے کہا کہ اس کا انتظام خواتین پولیس کریں گے، لیکن اس کی خدمات معاشرے کے تمام طبقات کے لیے دستیاب ہیں۔ انہوں نے دہلی یونیورسٹی انتظامیہ کے فعال تعاون کے لیے بھی شکریہ ادا کیا۔
ڈی سی پی نارتھ راجہ بنتھیا، آئی پی ایس نے خطبہ استقبالیہ پیش کیا۔ ڈی یو کے رجسٹر ا ر ڈاکٹر وکاس گپتا نے شکریہ کا کلمہ پیش کیا۔ اس موقع پر مدھر ورما، آئی پی ایس، جوائنٹ کمشنر آف پولیس، سنٹرل رینج،رو یندر یادو، آئی پی ایس، اسپیشل کمشنر آف پولیس، لاءاینڈ آرڈر، زون I؛ ڈی یو ساو ¿تھ کیمپس کی ڈا ئر یکٹر پروفیسر رجنی ایبی۔ ڈین آف کالجز پروفیسر بلرام پانی، ایس او ایل کے ڈائریکٹر پروفیسر پائل ماگو ، رجسٹرار ڈاکٹر وکاس گپتا؛ مرانڈا ہاو ¿س کالج کے پرنسپل پروفیسر بیجلکشمی ننداسمیت دیگر عہدیدار اور طلبا موجود تھے۔