پارلیمنٹ میں سرکارکا بیان لاکھوں لوگوں کی صحت کیلئے مکمل طور پر غیر حساس:دیوندر یادو

پردیش کانگریس صدر دیویندر یادو نے کہا کہ خطرناک آلودگی کے بارے میں پارلیمنٹ میں سرکار کا ردعمل یہ تھا کہ عالمی ہوا کے معیار کی درجہ بندی، بشمول مختلف تنظیموں کے ذریعہ کی گئی درجہ بندی، کسی بھی سرکاری اتھارٹی کے ذریعہ نہیں کی جاتی ہے اور یہ کہ عالمی ادارہ صحت (ڈبلیو ایچ او) ہوا کے معیار کے رہنما خطوط صرف مشاورتی اقدار کے طور پر کام کر سکتے ہیں، اور یہ سرکارکی طرف سے معیاری نہیں ہے۔
ریاستی صدر نے کہا کہ دہلی، اور ملک بھر کے شہروں میں خطرناک آلودگی کے باوجود، پارلیمنٹ میں یہ بیا ن کہ ڈبلیو ایچ او کی ہوا کے معیار کے رہنما خطوط صرف مشاورتی اقدار کے طور پر کام کرتے ہیں، وا ضح طور پر اس بات کی نشاندہی کرتا ہے کہ حکومت نے یہ واضح کر دیا ہے کہ ہندوستان اپنے سیاق و سبا ق کی بنیاد پر اپنے فضائی معیار کے معیارات طے کرنے کے لیے آزاد ہے۔ پارلیمنٹ میں سرکارکا بیا ن کروڑوں لوگوں کی صحت کے حوالے سے مکمل طور پر غیر حساس ہے۔ بی جے پی کو آلودگی سے مرنے والوں اور سانس لینے کے لیے جدوجہد کرنے والوں کی زندگیوں کی کوئی فکر نہیں ہے۔
دیویندر یادو نے کہا کہ راجدھانی کو دنیا کے آلودہ ترین شہروں میں شمار کیا جاتا ہے، اس کے باوجود بی جے پی کی قیادت والی مرکزی سرکارنے دہلی کے بارے میں کبھی بھی حساس رویہ اختیار نہیں کیا اور وزیر اعلیٰ ریکھا گپتا گزشتہ 10 مہینوں سے آلودگی کو کم کرنے کے بارے میں محض بیانات دے رہی ہیں۔انہوں نے کہا کہ وزیر اعلیٰ کو سڑکوں کے کناروں اور کالونیوں میں لاکھوں ٹن دھول اور کچرے کو صاف کرنا ہوگا۔ کیونکہ جولائی سے اکتوبر تک کی صفائی مہم کے نتیجے میں دہلی والوں کو خطرناک آلودگی کی وجہ سے سانس لینے میں دشواری کا سامنا کرنا پڑ رہا ہے۔