وزیر اعلیٰ نے انڈین آرمی ڈے کے موقع پر این سی سی کیڈٹس سے ملاقات کی

آج کے این سی سی کیڈٹس کل کے قومی لیڈر ہیں: وزیر اعلیٰ
این سی سی کیڈٹس کو بہتر سہولیات فراہم کرنے کی یقین دہانی کرائی

نئی دہلی، 15 جنوری(میرا وطن)
وزیر اعلیٰ نے جمعرات کو ہندوستانی یوم فوج کے موقع پر دہلی کینٹ کے کیریپا پریڈ گراو ¿نڈ میں منعقدہ این سی سی یوم جمہوریہ کیمپ 2026 کا دورہ کیا۔ انہیں گارڈ آف آنر پیش کیا گیا۔ اس موقع پر ریکھا گپتا نے مارچ پاسٹ، براس بینڈ اور این سی سی کیڈٹس کی ثقافتی پرفارمنس کا مشاہدہ کیا۔ اس کے بعد اس نے فلیگ ایریا کا دورہ کیا، جہاں ملک بھر کے 17 این سی سی ڈائریکٹوریٹ کے کیڈٹس نے قومی اقدار، شہری ذمہ داری، اور قوم کی تعمیر پر ایک نمائش رکھی تھی۔
وزیر اعلیٰ نے کہا کہ این سی سی طویل عرصے سے نوجوانوں میں نظم و ضبط، اتحاد، فرض شناسی اور حب الو طنی کا جذبہ پیدا کر رہا ہے۔ مختلف ریاستوں کے کیڈٹس اپنی مختلف زبانوں اور ثقافتوں کے باوجود ہندو ستان کے اتحاد کا مظاہرہ کرنے کے لیے اکٹھے ہوتے ہیں۔ یہ “ایک بھارت، شریشٹھ بھارت” کا حقیقی عکس ہے۔
اس موقع پر ریکھا گپتانے ہال آف فیم کا دورہ کیا اور این سی سی کی تاریخ، تربیتی نظام اور کامیابیوں کے بارے میں معلومات حاصل کیں۔ انہوں نے یووا آپڑا دوست یوجنا اور ڈرون ٹریننگ نمائش کا بھی دو رہ کیا۔ انہوںنے ملک بھر سے این سی سی کیڈٹس سے بات چیت کی اور ان کی حوصلہ افزائی کی۔ اس مو قع پر این سی سی کے ڈائریکٹر جنرل (ڈی جی) لیفٹیننٹ جنرل وریندر وتس، سینئر این سی سی افسران، اور ملک بھر سے این سی سی کیڈٹس موجود تھے۔