بی جے پی اقلیتی مورچہ کے لیڈروں نے نو منتخب صدر نتن نبین کو مبارکباد پیش کی عاقل قریشی اور شیخ عبدالکریم نے پارٹی کی اعلیٰ قیادت کے فیصلے کا شکریہ ادا کیا

نئی دہلی ،18دسمبر (میرا وطن )
بی جے پی اقلیتی مورچہ کے قومی جنرل سکریٹری شیخ عبدالکریم نے سابق قومی نائب صدربی جے پی اقلیتی مورچہ عاقل قریشی کے ساتھ بی جے پی ہیڈ کوارٹر میں بی جے پی کے نو منتخب ایکزیکٹو صدر نتن نبین سے ملاقات کی ۔ان لیڈروں نے قومی صدر کے مقرر ہونے پر انہیں مبارکباد پیش کی اور اپنی نیک خواہشات کا اظہار کیا ۔اس موقع پر بی جے پی اقلیتی مورچہ کے قومی جنرل سکریٹری دشینت کمار گوتم بھی موجود تھے ۔
اس موقع پر عاقل قریشی اور شیخ عبد الکریم نے مشترکہ بیان میں پارٹی کے سینئر لیڈر نتن نبین کو بی جے پی کا نیا ایکز یکٹو صدر نامزد کئے جانے پر وزیر اعظم نریندر مودی اور مرکزی وزیر داخلہ امت شاہ کا شکر یہ ادا کیا ہے ۔انہوںنے ا مید ظاہر کی ہے کہ نو منتخب صدرنبین اعلیٰ قیادت کی امید وں پر کھرا اتریں گے او ر پارٹی کو مزید مضبوطی دینے کا کام کریں گے ۔ انہوں نے کہا کہ بی جے پی اعلیٰ قیادت کے اس فیصلے پر پارٹی کارکنان میں خوشی کی لہر ہے