بھلسوا لینڈ فل سائٹ پر بائیو مائننگ کا کام تیز رفتاری سے جاری ہے:واہی

نئی دہلی ،12جنوری (میرا وطن )
دہلی میونسپلک کارپوریشن میں قائد ایوان پرویش واہی نے پیر کو بھلسوا لینڈ فل سائٹ کا معائنہ کیا اور جاری بائیو مائننگ کے کام کا جائزہ لیا۔اس موقع پر چیف انجینئر کے کے شرما، علاقائی ڈپٹی کمشنر کے سی سریندر اور سینئر افسران بھی موجود تھے۔
معائنہ کے دوران پرویش واہی نے بھلسوا لینڈ فل سائٹ پر جاری بائیو مائننگ کے کام کا تفصیل سے جائزہ لیا۔ انہوں نے افسروں کو ہدایت دی کہ وہ بائیو مائننگ کے کام کی پیش رفت کی باقاعدگی سے نگرانی کو یقینی بنائیں اور ماہانہ پیش رفت کے جائزے کو آسان بنانے اور مقررہ اہداف کے بروقت حصول کو یقینی بنانے کے لیے ماہانہ ڈرون سروے رپورٹس فراہم کریں۔
پرویش واہی نے بتایا کہ بھلسوا لینڈ فل سائٹ پر بائیو مائننگ کے کام تیزی سے آگے بڑھ رہے ہیں۔ تمام مشینری آسانی سے کام کر رہی ہے، اور دھول اور بدبو کو کنٹرول کرنے کے لیے باقاعدہ سپرے کیا جا رہا ہے۔ انہوں نے مزید کہا کہ بھلسوا لینڈ فل سائٹ پر روزانہ بائیو مائننگ کی صلاحیت میں مسلسل اضافہ کیا گیا ہے، جو اب 15ہزار ٹن یومیہ (ٹی پی ڈی) تک پہنچ گئی ہے