15ہزار بچوں کو تعلیمی امداد ملتی ہے، 134 کروڑ روپے کے ترقیاتی منصوبے شروع

ریکھا گپتا نے 37 گاو ¿ں میں 59 پروجیکٹوں کا سنگ بنیاد اور پنچایت گھر کا افتتاح کیا

نئی دہلی، 11 فروری (میرا وطن)
وزیر اعلیٰ ریکھا گپتا نے بدھ کو تیاگ راج اسٹیڈیم میں تعمیراتی مزدوروں کے بچوں اور گاو ¿ں سے متعلق کئی ترقیاتی پروجیکٹوں کے لیے مالی امداد کے پروگرام کا آغاز کیا۔ اس موقع پر ریکھا گپتا نے تعمیراتی مز دوروں کے 15,706 بچوں کے بینک کھاتوں میں 12.40 کروڑ سے زیادہ کی تعلیمی امد اد براہ راست منتقل کی۔ اس کے علاوہ دہلی کے دو گاو ¿ں میں نئے تعمیر شدہ پنچایت گھر کا افتتاح کیا گیا ۔ مزید برآں، 37 گاو ¿ں میں 59 نئے ترقیاتی منصوبے شروع کیے گئے، جن کی کل تخمینہ لاگت 134 کروڑ ہے۔تقریب میں وزیر لیبر اینڈ ایمپلائمنٹ کپل مشرا، دہلی رورل ڈیولپمنٹ بورڈ کے چیئرمین راجکمار چوہان، سینئر افسران اور متعدد عوامی نمائندے موجود تھے۔
اس موقع پر وزیر اعلیٰ نے بتایا کہ دہلی بلڈنگ اینڈ دیگر کنسٹرکشن ورکرز ویلفیئر بورڈ رجسٹرڈ تعمیراتی مزدو ر و ں کے بچوں کے لیے تعلیمی امداد کی اسکیم چلا رہا ہے، تاکہ مالی رکاوٹیں ان کی تعلیم میں رکاوٹ نہ بنیں۔ اس اسکیم کے تحت، گریڈ 1 سے 8 تک کے بچوں کو ماہانہ 500 روپے، گریڈ 9 اور 10 کے طلباءکو 700 ماہانہ، گریڈ 11 اور 12 کے طلباءکو ایک ہزار ماہانہ، اور گریجویٹ طلباءکو 3ہزار ماہانہ فراہم کیے جاتے ہیں۔ آئی ٹی آئی، پولی ٹیکنیک، انجینئرنگ، میڈیکل اور ایم بی اے جیسے ٹیکنیکل کورسز کرنے والے طلباءکو ہر ماہ 10ہزار تک کی مالی امداد فراہم کی جاتی ہے۔
دہلی کی کم از کم اجرت ملک میں اعلیٰ ترین سطح پر مقرر کی گئی ہے، جس میں غیر ہنر مند کارکنوں کے لیے 18,456 روپے ماہانہ، نیم ہنر مند کارکنوں کے لیے 20,371 روپے ماہانہ، اور ہنر مند کارکنوں کے لیے 22,411 روپے ماہانہ ہے۔ مزدوروں کے حقوق کے تحفظ کو یقینی بنانے کے لیے ریاست میں 44 سے زیادہ لیبر قوانین کو مو ¿ثر طریقے سے نافذ کیا جا رہا ہے۔ کارکنوں کی مدد کے لیے 155214 ہیلپ لائن شروع کی گئی ہے۔ مزید برآں، ای-شرم پورٹل پر 3.6 ملین سے زیادہ غیر منظم کارکنوں کو رجسٹر کیا گیا ہے۔ چائلڈ لیبر کے خلاف 72 خصوصی مہموں کے ذریعے 1028 بچوں کو چائلڈ لیبر سے نجات دلائی گئی ہے۔
دہلی دیہی ترقیاتی بورڈ کی تنظیم نو نے دیہی علاقوں میں ترقیاتی کاموں کو نئی تحریک دی ہے۔ اس پہل کے تحت، 776 پروجیکٹ تجویز کیے گئے ہیں، جن کی تخمینہ لاگت 1,715.05 کروڑ روپے ہے۔ ان منصوبوں میں سے 705 کو 1,556 کروڑکی انتظامی منظوری دی گئی۔ مزید برآں، 702 پرو جیکٹوں کے لیے پہلی قسط کے طور پر 157 کروڑ جاری کیے گئے۔ یہ منصوبے سڑکوں، تالابوں، پارکو ں ، قبرستانوں، کمیونٹی ہالز، لائبریریوں اور کمیونٹی ہالوں کو تیار کر رہے ہیں۔ وزیر اعلیٰ نے وضاحت کی کہ دہلی کے گاو ¿ں کو پچھلے 10 سالوں میں نظر انداز کیا گیا ہے، اور اس سے نمٹنے کے لیے سرکار نے بجٹ میں پہلے ہی ایک ہزار کروڑ مختص کیے ہیں۔ آج 705 منصوبوں کے ذریعہ د یہا توں میں سڑکوں، کمیو نٹی ہالوں، شادی ہالوں، اوپن جموں اور پارکوں کی تعمیر کو یقینی بنایا جا رہا ہے۔