میونسپل کمشنر سنجیو کھیروار نے اوکھلا لینڈ فل کا معائنہ کیا

نئی دہلی،24جنوری (میرا وطن)
دہلی میونسپل کارپوریشن نے دہلی کے کچرے کے انتظام کے نظام کو مزید موثر بنانے کی سمت میں ایک اہم قدم اٹھایا ہے۔ میونسپل کمشنر سنجیو کھیروار نے سینئر افسران کے ساتھ ہفتہ کو اوکھلا لینڈ فل سائٹ کا معائنہ کیا۔ معائنہ کے بعد، اوکھلا ویسٹ ٹو انرجی (ڈبلیو ٹی ای ) پلانٹ میں ایک جامع جائزہ میٹنگ منعقد کی گئی۔
معائنہ کے دوران میونسپل کمشنر نے لینڈ فل پر جاری کام کی پیش رفت کا جائزہ لیا اور کچرے کو ٹھکانے لگا نے کے عمل کو مزید سائنسی اور شفاف بنانے کی کوششوں کی ہدایت کی۔ انہوں نے افسروں سے واضح طور پر کہا کہ آپریشنل نظام میں کسی قسم کی کوتاہی برداشت نہیں کی جائے گی اور مقررہ مدت کے اندر ٹھوس نتائج حاصل کئے جائیں۔
جائزہ میٹنگ میں سائنسی فضلہ کی پروسیسنگ، ماحولیاتی اثرات کو کم کرنے اور ویسٹ ٹو انرجی پلانٹ کی کارکردگی کو بڑھانے پر توجہ مرکوز کی گئی۔ کمشنر نے کہا کہ صاف ستھری دہلی کا مقصد صرف اسی صورت میں حاصل کیا جائے گا جب لینڈ فل مینجمنٹ کو جدید ٹیکنالوجی اور ذمہ دارانہ نظم و نسق کے ساتھ انجام دیا جائے۔ ایم سی ڈی نے پائیدار کچرے کے انتظام، صاف ستھرا ماحول اور اپنے شہریوں کو معیاری اور قابل اعتماد خدمات فراہم کرنے کے اپنے عزم کا اعادہ کیا۔