ویر بال دیوس کی یاد میں ’پہلا MCD ویرتا کپ ‘2025 فٹ بال ٹورنامنٹ کا انعقاد

نئی دہلی ،2جنوری (میرا وطن)
سکھوں کے دسویں گرو، سری گرو گوبند سنگھ جی کے بیٹوں بابا فتح سنگھ اور بابا زوراور سنگھ کی شہادت کی یاد میں 26 دسمبر کو ملک بھر میں ویر بال دیوس منایا جاتا ہے۔ ان کی بے مثال قربانی کو خراج تحسین پیش کر نے کے لیے دہلی میونسپل کارپوریشن کے محکمہ تعلیم نے ایک خصوصی فٹ بال ٹورنامنٹ منعقد کرنے کا فیصلہ کیا ہے۔
اس موقع پر ایجوکیشن کمیٹی کے چیئرمین ایڈوکیٹ یوگیش ورما نے بتایا کہ یہ ٹورنامنٹ ’پہلاMCD ویر تا کپ ‘2025 کے نام سے منعقد کیا جائے گا۔ یہ ٹورنامنٹ ایم سی ڈی کے ہر زون میں 19 سے 24 جنوری تک منعقد ہوگا۔ ٹورنامنٹ کے سیمی فائنل اور فائنل کھاٹو شیام اسٹیڈیم، ویسٹ زون، دہلی میں کھیلے جائیں گے۔
دہلی میونسپل کارپوریشن کے تمام پرائمری اسکول اس ٹورنامنٹ میں حصہ لیں گے۔ مقابلے کے لیے لڑکوں اور لڑکیوں کے لیے الگ الگ ٹیمیں تشکیل دی جائیں گی، تمام طلبہ کے لیے یکساں مواقع کو یقینی بنایا جائے گا۔ مختلف زونز کی ٹیمیں ایک دوسرے سے مقابلہ کریں گی، بچوں میں ٹیم اسپرٹ، نظم و ضبط، خوداعتمادی اور کھیل کود کو فروغ دیں گی۔
یوگیش ورما نے کہا کہ اس تقریب کا بنیادی مقصد بہادر صاحبزادوں کی شہادت کی یاد منانا اور انہیں حقیقی خراج عقیدت پیش کرنا، بچوں میں کھیلوں میں دلچسپی اور صحت مند مقابلے کا جذبہ پیدا کرنا اور وزیر اعظم نریندر مودی کی ’کھیلو انڈیا‘ مہم کو مزید تیز کرنا ہے۔
انہوں نے بتایا کہ ایم سی ڈی نے اس ٹورنامنٹ کے لیے ضروری فنڈز مختص کیے ہیں۔ اس طرح کے کھیلوں کے مقابلوں کے ذریعے میونسپل کارپوریشن کے سکولوں میں چھپی صلاحیتوں کو سامنے لایا جا ئے گا، جس سے مستقبل میں زیادہ سے زیادہ بچے کھیلوں کی طرف راغب ہوں گے اور انہیں قومی سطح پر آگے بڑھنے کے مواقع فراہم ہوں گے۔ایجوکیشن ڈپارٹمنٹ کا خیال ہے کہ یہ ٹورنا منٹ طلباءکی ہمہ جہت ترقی کے ساتھ ساتھ ملک کے عظیم شہیدوں کی یاد کو زندہ رکھنے میں بھی اہم کردار ادا کرے گا۔