پیرس اولمپکس میں نیرج چوپڑا نے ہندوستان کو پانچواں تمغہ دلایا

نیرج چوپڑا کو گولڈ میڈل جیتنے کا مضبوط دعویدار سمجھا جاتا تھا لیکن ندیم نے گولڈ میڈل جیت کر اولمپک ریکارڈ توڑ کر پوری دنیا کو حیران کر دیا ہے۔ پیرس میں2024 کے اولمپکس میں یہ ہندوستان کا پانچواں تمغہ ہے، اس سے پہلے ہندوستان نے 4 کانسے کے تمغے جیتے تھے۔نیرج چوپڑا کی پہلی کوشش ناکام رہی لیکن دوسری کوشش میں انہوں نے 89.45 میٹر کی جیولن پھینک کر سیزن کا بہترین تھرو کیا۔ اس سے قبل 2024 کے سیزن میں ان کا بہترین تھرو 89.34 میٹر تھا جو انہوں نے پیرس اولمپکس 2024 کے کوالیفکیشن راؤنڈ میں حاصل کیا تھا۔ نیرج نے 6 کوششیں کیں جن میں سے پانچ خالی رہے۔ گولڈ میڈل نہ جیتنے کی مایوسی نیرج کے چہرے پر صاف نظر آرہی تھی۔ اس کے باوجود نیرج نے ہندوستانی کھلاڑیوں اور نوجوانوں کے لیے نیا معیار قائم کیا ہے۔
نیرج اب آزاد ہندوستان کی نمائندگی کرتے ہوئے 2 اولمپک تمغے جیتنے والے صرف چوتھے کھلاڑی بن گئے ہیں۔ ان سے پہلے سشیل کمار، پی وی سندھو اور منو بھاکر دو دو اولمپک تمغے جیت چکے ہیں۔واضح رہے نیرج نے 2020 ٹوکیو اولمپکس میں گولڈ میڈل جیتا تھا۔