سنکلپ پتر میں پوری دنیا میں رامائن کا تہوار منانے کا وعدہ

نئی دہلی :سنکلپ پتر میں یوں تو بہت باتیں ہیں لیکن بی جے پی نے اپنے پسندیدہ مذہبی امورخا ص توجہ دیتے ہوئے پوری دنیا میں رامائن کا تہوار منانے اور ایودھیا کو مزید ترقی دینے کے عزم کا اظہارکیا ہے۔ سنکلپ پتر میں کہا گیا ہے کہ بدعنوانی پر مزید سخت کارروائی کی جائے گی۔اصلاحات کی نظر سے کہا گیا ہے کہ انڈین جوڈیشل کوڈ لاگو ہوگا اور ملک میں ایک ساتھ انتخابات کرائے جائیں گے یعنی ’ون نیشن، ون الیکشن ‘کا نفاذ کیا جائے گا۔بی جے پی کے انتخابی منشور میں کسانوں کی بات کہی گئی ہے لیکن کسانوں کے احتجاج پر خاموشی ہے ۔ اس میں کہا گیا ہے کہ زرعی انفراسٹرکچر کو ترقی دیا جائے گا۔ ماہی گیروں پر خاص توجہ ہے اور ان کے لئے ایک اسکیم شروع کی جائے گی۔ انتخابی منشور میں او بی سی، ایس سی اور ایس ٹی کو ہر میدان میں احترام دیا جائے گا۔
منشور میں بہت سی باتیں کی گئی ہیں لیکن اس کے اہم نکات میں شامل ہیں روزگار کی ضمانت۔ بڑا وعدہ یہ ہے کہ سال 2036 میں اولمپکس کی میزبانی کرنے کو کہا گیا ہے۔ اس میں 3 کروڑ لکھ پتی دیدی کی بات کہی گئی ہے اور کہا گیا ہے کہ خواتین ریزرویشن لاگو کیا جائے گا۔